គ្រួសាររងគ្រោះដោយភ្លើងឆេះផ្ទះទទួលបានអំណោយ
- មណ្ឌលគិរី
ខេត្តមណ្ឌលគិរី ៖ កាលពីព្រឹកថ្ងៃទី១៤ ខែឧសភា ឆ្នាំ ២០២០ អនុសាខាកាកបាទក្រហមកម្ពុជា ស្រុកកោះញែក ខេត្តមណ្ឌលគិរី ដឹកនាំដោយលោក…
ខេត្តមណ្ឌលគិរី ៖ កាលពីព្រឹកថ្ងៃទី១៤ ខែឧសភា ឆ្នាំ ២០២០ អនុសាខាកាកបាទក្រហមកម្ពុជា ស្រុកកោះញែក ខេត្តមណ្ឌលគិរី ដឹកនាំដោយលោក កែវសូត្រ ប្រធាន គណៈកម្មាធិការអនុសាខា បានចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ជូនដល់គ្រួសាររងគ្រោះដោយសារភ្លើងឆេះផ្ទះអស់ទាំងស្រុងចំនួន១គ្រួសារ ស្ថិតនៅភូមិ ជីមាត ឃុំណងឃិលឹក ស្រុកកោះញែក ខេត្តមណ្ឌលគិរី ។
ក្នុងឱកាសនោះដែរ លោកប្រធានបានសម្ដែងនូវសោកស្ដាយចំពោះករណីភ្លើងឆេះផ្ទះដែលបណ្តាលមកពីភ្លើងចង្ក្រាន ធ្វើឲ្យរងការខូចខាតផ្ទះសំបែង និងបាត់បង់ទ្រព្យសម្បត្តិអស់ជាច្រើន ហើយសូមកុំអស់សង្ឃឹម ត្រូវខិតខំប្រកបរបរចិញ្ចឹមជីវិត ដើម្បីស្ដារជីវភាពគ្រួសារឡើងវិញ ។
អំណោយដែលបានផ្ដល់ជូនគ្រួសាររងគ្រោះខាងលើរួមមាន អង្ករ ២៥គីឡូក្រាម មី២កេស ទឹកត្រី១យួរ ទឹកស៊ីអុីវ១យួរ ទឹកបរិសុទ្ធ៣កេស កន្ទេល១ តង់១ និងថវិកាចំនួន២៣០.០០០រៀល៕ (កែសម្រួលដោយ ៖ ធីតា)
ចែករំលែកព័តមាននេះ