ថៃ ពេលនេះគ្មានករណីឆ្លងថ្មី និងករណីបាត់បង់ជីវិតថ្មីទេ
ប្រទេសថៃ ៖ តាមប្រភពព័ត៌មាន The Star បានឱ្យដឹងថា ប្រទេសថៃ កាលពីថ្ងៃសៅរ៍ បានរាយការណ៍ថា គ្មានករណីឆ្លងវីរុសថ្មី…
ប្រទេសថៃ ៖ តាមប្រភពព័ត៌មាន The Star បានឱ្យដឹងថា ប្រទេសថៃ កាលពីថ្ងៃសៅរ៍ បានរាយការណ៍ថា គ្មានករណីឆ្លងវីរុសថ្មី…
ប្រទេសថៃ ៖ តាមប្រភពព័ត៌មាន The Star បានឱ្យដឹងថា ប្រទេសថៃ កាលពីថ្ងៃសៅរ៍ បានរាយការណ៍ថា គ្មានករណីឆ្លងវីរុសថ្មី ឬការបាត់បង់ជីវិតដោយសារតែជំងឺកូវីដ១៩នោះទេ ខណៈដែលប្រទេសនេះ បានចាប់ផ្តើមបើកការធ្វើអាជីវកម្មឡើយវិញ និងបន្ធូរបន្ថយការរឹតបន្តឹងមួយចំនួន។
អ្នកនាំពាក្យរបស់មជ្ឈមណ្ឌលរដ្ឋាភិបាលសម្រាប់រដ្ឋបាលស្ថានភាពជំងឺកូវីដ១៩ លោក Taweesin Wisanuyothin មានប្រសាសន៍ថា ៖ «ថ្ងៃនេះ មានលេខសូន្យ២ (ករណីឆ្លងថ្មី និង ករណីបាត់បង់ជីវិតថ្មី) ហើយក៏សូមអរគុណដល់ប្រជាជនថៃទាំងអស់ ដែលបានផ្តល់កិច្ចសហប្រតិបត្តិការយ៉ាងល្អ»។
នេះជាថ្ងៃទី២ហើយ ចាប់តាំងពីថ្ងៃទី៩ ខែមីនា ដែលប្រទេសនេះមិនបានរាយការណ៍ថា មានករណីថ្មីកើតឡើងជារៀងរាល់ថ្ងៃនោះទេ។
ប្រទេសថៃ នៅថ្ងៃអាទិត្យនេះ នឹងអនុញ្ញាតឱ្យផ្សារទំនើប និងហាងលក់ទំនិញបើកឡើងវិញ។ គេក៏នឹងបន្ធូរបន្ថយរយៈពេលកំណត់ឱ្យចូលផ្ទះ ពីម៉ោង ១០យប់-៤ភ្លឺ មកត្រឹម ម៉ោង ១១យប់-៤ភ្លឺ។
គួរបញ្ជាក់ផងដែរថា នាពេលនេះប្រទេសថៃ មានករណីឆ្លងកូវីដសរុប ៣,០២៥ករណី ករណីបាត់បង់ជីវិតសរុប ៥៦ករណី និង ករណីជាសះស្បើយសរុប ២,៨៥៥ករណី៕ ដកស្រង់ចេញពីវេបសាយ ៖ thestar (កែសម្រួលដោយ ៖ បុប្ផា)
ចែករំលែកព័តមាននេះ