ព្រះមហាក្សត្រចេញព្រះរាជក្រឹត្យលើកលែងទោស
- ភ្នំពេញ
រាជធានីភ្នំពេញ ៖ លោក គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញ បានដឹងនៅល្ងាចថ្ងៃទី១៥ ឧសភា ថា ព្រះករុណា…
រាជធានីភ្នំពេញ ៖ លោក គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញ បានដឹងនៅល្ងាចថ្ងៃទី១៥ ឧសភា ថា ព្រះករុណា…
រាជធានីភ្នំពេញ ៖ លោក គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញ បានដឹងនៅល្ងាចថ្ងៃទី១៥ ឧសភា ថា ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ទ្រង់បានចេញព្រះរាជក្រឹត្យត្រាស់បង្គាប់លើកលែងទោស លោក ស៊ុត ឌីណា អតីតឯកអគ្គរាជទូតកម្ពុជាប្រចាំប្រទេសកូរ៉េខាងត្បូង ដែលត្រូវបានតុលាការផ្ដន្ទាទោស ដាក់ពន្ធនាគាររយៈពេល៥ឆ្នាំ ពីបទរំលោភអំណាច ពីបទកេងយកផលប្រយោជន៍ខុសច្បាប់ និងពិន័យជាប្រាក់ចូលថវិការរដ្ឋចំនួន១០លានរៀល ។
សូមបញ្ជាក់ថា លោក ស៊ុត ឌីណា ត្រូវបានអង្គភាពប្រឆាំងអំពើពុករលួយឃាត់ខ្លួនកាលពីថ្ងៃទី៤ មេសា ឆ្នាំ២០១៦ បន្ទាប់មកអង្គភាពប្តឆាំងអំពើពុករលួយបានកសាងសំណុំរឿងលោក ស៊ុត ឌីណា ទៅកាន់សាលាដំបូងរាជធានីភ្នំពេញ ទើបត្រូវបានចៅក្រមស៊ើបសួរសម្រេចឃុំខ្លួនដាក់ពន្ធនាគារជាបណ្តោះអាសន្ន តាមការចោទប្រកាន់ចំនួន ២បទល្មើស គឺបទ.កេងយកផលប្រយោជន៍ដោយខុសច្បាប់តាមមាត្រា ៥៩៧ និង៥៩៨ នៃក្រមព្រហ្មទណ្ឌ និងបទ.រំលោភអំណាចមានប្រសិទ្ធភាព តាមមាត្រា៣៥ នៃច្បាប់ប្រឆាំងអំពើពុករលួយ ពាក់ព័ន្ធការកឹបកេងប្រាក់ប្រមាណជាង១០មុឺនដុល្លារ នៅក្នុងអំឡុងកាន់អំណាចជាឯកអគ្គរាជទូតកម្ពុជាប្រចាំប្រទេសកូរ៉េខាងត្បូងនោះ ។
ក្រោយមកទៀតអង្គភាពប្រឆាំងអំពើពុករលួយបានរកឃើញថា លោក ស៊ុត ឌីណា មានពាក់ពន្ធភាពមិនប្រក្រតី ក្នុងការអនុវត្តការងារនៅប្រទេសកូរ៉េ ដោយមានប្រាក់រហូតដល់ ៧.២លាន ដុល្លារអាមេរិក និងមាស៣៣៩តម្លឹង ក្នុងពេលដែលលោកកាន់តំណែងបានប្រមាណ៣ឆ្នាំ ។
យោងទៅលើបទល្មើសដូចការចោទប្រកាន់ខា ងលើ បន្ទាប់មកសាលាដំបូងរាជធានីភ្នំពេញ បានលើកយកសំណុំរឿងនេះ មកបើកសវនាការជំនុំជម្រះក្តី ទើបលោក ស៊ុត ឌីណា ត្រូវបានសាលក្រមស ម្រេចផ្តន្ទាទោសដាក់ពន្ធនាគារកំណត់៥ឆ្នាំ និងបើកផ្លូវឲ្យជនជាប់ចោទប្តឹងឧទ្ធរណ៍តាមកំណត់ច្បាប់ ។
ខណៈពេលនោះលោក ស៊ុត ឌីណា និងមេធាវីការពារក្តីក៏បានតស៊ូស្វិតស្វាញប្តឹងឧទ្ធរណ៍ជាតុលាការថ្នាក់កណ្តាល ហើយត្រូវសាលាឧទ្ធរណ៍តំកល់ លើការកាត់ក្តីរបស់សាលាដំបូងទុកជាបានការដដែល ៕
ចែករំលែកព័តមាននេះ