រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ប្រសិនបើនៅតាមភោជនីយដ្ឋាន ហារគុយទាវ ហាងកាហ្វេ…មិនព្រមធ្វើអនាម័យ តាមការណែនាំរបស់ក្រសួងសុខាភិបាលនោះទេ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ប្រសិនបើនៅតាមភោជនីយដ្ឋាន ហារគុយទាវ ហាងកាហ្វេ…មិនព្រមធ្វើអនាម័យ តាមការណែនាំរបស់ក្រសួងសុខាភិបាលនោះទេ អាជ្ញាធរនឹងចុះបិទបណ្តោះអាសន្ន ។
មានប្រសាសន៍ក្នុងកិច្ចប្រជុំគណៈរដ្ឋមន្ត្រី នាព្រឹកថ្ងៃទី១៥ ខែឧសភា ឆ្នាំ២០២០ សម្តេចតេជោហ៊ុនសែនបានបញ្ជាក់ថា ៖«កន្លែងលក់ដូរមួយចំនួនឃើញមានការព្រាតព្រាងក្នុងការអនាម័យរវាងអ្នកលក់ និងអ្នកទិញ ហើយខ្ញុំក៏ផ្តល់សិទ្ធិអាជ្ញាធរមូលដ្ឋាន ហើយនៅភោជនីយដ្ឋានមួយចំនួនបើកសិន គាត់ខ្វះអនាម័យត្រូវដាស់តឿនឲ្យគាត់មានអនាម័យ ប៉ុន្តែបើសិនគាត់នៅតែបន្តទៀតធ្វើ គឺអនុញ្ញាតឲ្យប្រកាសបិទតែម្តង ។ បានសេចក្តីថា បិទបណ្តោះអាសន្ន »។
សម្តេចតេជោបានបន្តថា បើសិនឃើញភោជនីយដ្ឋានគ្មានអនាម័យយើងត្រូវណែនាំគេអំពីសុវត្ថិភាពសម្រាប់ដើម្បីទប់ស្កាត់ការរីករាលដាលជំងឺកូវីដ១៩ ប៉ុន្តែបើគេនៅតែមិនអនុវត្ត គឺត្រូវតែបិទតែម្តង គឺយើងមិនចាំបាច់ថ្នាក់លើទៅបិទទេ គឺថ្នាក់ក្រោមនៅតាមរាជធានី ខេត្តមានសិទ្ធិបិទតែម្តង ។
សម្តេចបញ្ជាក់ថា ៖«យើងបិទ១សប្តាហ៍ ឬ១០ថ្ងៃ កន្លះខែ ដើម្បីឲ្យអ្នកឯងរៀបចំខ្លួនបានឲ្យបានសមស្របពេលរៀបចំហើយចាំបើកឲ្យដំណើរការវិញ ។ បើកហើយយើងត្រូវចុះមើលបន្តទៀត នៅពេលឃើញមិនមានអនាម័យទៀតនឹងបិទទៀត»៕
ចែករំលែកព័តមាននេះ