ខេត្តក្រចេះ ៖ មន្ត្រីឧទ្យាននុរក្សកំពុងព្រួយបារម្ភពីការបាត់បង់ដីតំបន់អភិរក្សដែនជម្រកសត្វក្តាន់ទៅថ្ងៃខាងមុខ ខណៈសព្វថ្ងៃការលួចចូលកាប់ឈើ ពិសេសការកាប់ទន្ទ្រានដីព្រៃក្នុងព្រៃ ដែនជម្រកគឺនៅតែកើតមាន ស្របពេលដែលមន្ត្រីប្រចាំការដើម្បីការពារមានចំនួនតិចតួចមិន អាចធ្វើសកម្មភាពល្បាតប្រចាំការលើដីព្រៃការពារដែនជម្រដែលមានវិលាសភាពធំទូលាយបានគ្រប់ជ្រុងជ្រោយនោះទេ។
តំបន់អភិរក្សដែនជម្រកសត្វក្តាន់មានទំហំផ្ទៃដីជាង១មួយម៉ឺន២ពាន់ហិកតា ។ តំបន់ព្រៃ ដែនជម្រកនេះស្ថិតនៅជាប់ឃុំចំនួន៣ គឺឃុំវឌ្ឍនៈស្រុកសំបូរ និងជ្រោយបន្ទាយ និងឃុំសោប ស្រុកព្រែកប្រសព្វខេត្តក្រចេះ ។ ហើយសព្វថ្ងៃក្នុងព្រៃដែនជម្រក ក៏មានសត្វក្តាន់កំពង់តែ រស់នៅក្នុងចន្លោះពី៦០ទៅ៧០ក្បាល ដែលមានចំនួនកើនឡើងច្រើនជាងមុន។ នេះបើតាម ការអះអាងរបស់មន្ត្រីឧស្យាននុរក្សដែលថា ចំនួននេះត្រូវបានរកឃើញដោយអង្គការជាថាដៃ គូអភិរក្សថតតាមការមេរ៉ាស្វ័យប្រវត្ត។
បើតាមលោក សាំង សុខន ប្រធានឧទ្យាននុរក្សការពារសត្វក្ដាន់ បានប្រាប់ឲ្យដឹងថា នៅថ្ងៃទី១២ ឧសភា នេះថា កន្លងមកដីព្រៃដែនជម្រកនៅតំបន់នោះដែលស្ថិតនៅក្បែរៗ ភូមិ កំពុងតែប្រឈមនិងការកាប់ឆ្ការទន្ទ្រានយកដីពីអ្នកមានលុយនិងមានអំណាចហុំព័ទ្ឋ យក មកធ្វើដីចម្ការជាកម្មសិទ្ឋបុគ្គល។ មិនតែប៉ុណ្ណោះការលួចចូលកាប់អារឈើក្នុងព្រៃដែនអភិរក្ស ក៏ជាបញ្ហាមួយដែល កំពុងតែធ្វើឲ្យសត្វក្តាន់ប្រឈមមុខនិងបាត់បង់ព្រៃជម្រក។ មួយវិញទៀត ការលួចធ្វើសកម្ម ភាពបរបាញ់រាយអន្ទាក់ពីប្រជាពលរដ្ឋរស់នៅតាមភូមិ-ឃុំតំបន់ជុំវិញព្រៃ ដែនជម្រកក៏នៅតែកើតមានជាហូរហែ ដែលអាចធ្វើឲ្យចំនួនសត្វព្រៃកម្រនេះប្រឈមនិងបាត់បង់។
លោកថា ដោយសារតែចំនួនមន្ត្រីអភិរក្សមានគ្នាតិចទើបមិនអាចគ្រប់គ្រងស្ថានភាព បទល្មើសទាំងនោះបានទាំងស្រុងលើផ្ទៃដីដែនជម្រកដែលមានទំហំធំ ។ តែបើទោះបីជាចំនួន មន្ត្រីឧស្យាននុរក្សមានចំនួនតិចតួចក្តី ក៏ពួកគាត់នៅតែមានការខិតខំ។លោកប្រធានឧទ្យាននុរក្សអះអាងទៀតថា កន្លងមកក្រុមមន្ត្រីរបស់លោកតែងតែ សហការជាមួយនិងអង្គការដៃគូរអភិរក្ស ធ្លាប់ធ្វើការចុះល្បាតនិងបង្ក្រាបបានសកម្មភាព ល្មើសផ្សេងៗនៅក្នុងតាមតំបន់ព្រៃអភិរក្សដូចជាចាប់រណាយន្ត ដែលបានលួយចចូលមក កាប់អារឈើ ចាប់បានត្រាក់ទ័រដែលបានលួចចូលឈូសឆាយទន្ទ្រានដីព្រៃជាដើម។
លោកថា ដោយសារតែមានការគាំទ្រពីអង្គ ការជាដៃគូរកម្លាំងមន្ត្រីអភិរក្សបានសហការ ចុះល្បាតទើបធ្វើឲ្យសព្វថ្ងៃបទល្មើសទាំងនោះគឺមានការថយចុះ។ក្រុមអ្នកឃ្លាំមើលនិយាយថា សព្វថ្ងៃផ្ទៃដីព្រៃសត្វក្តាន់នៅក្រោយឃុំជ្រោយបន្ទាយស្រុកព្រែកប្រសព្វ កំពុងតែប្រឈម និងការបាត់បង់កាន់តែច្រើនឡើងពីមួយឆ្នាំទៅមួយឆ្នាំ ដោយសារតែការចូលកាប់ឆ្ការទន្ទ្រានយកមកធ្វើដីចម្ការហើយក៏មានការទិញលក់តៗគ្នា។ ហើយបទល្មើសការកាប់អារឈើចេញពីព្រៃតំបន់នោះក៏គេសង្កេតឃើញថា នៅតែកើតមានជាហូរហែរ ដោយគេមិនដឹងថា សកម្មភាពទាំងនេះអាចធ្វើទៅ បានដោយសារតែមានការត្រូវរ៉ូវគ្នារវាង ឈ្មួញដីឈ្មួញឈើជាមួយនិងមន្ត្រីអភិរក្សដែលឈរជើងប្រចាំការនៅតំបន់នោះឬក៏យ៉ាងណានោះទេ៕
ចែករំលែកព័តមាននេះ