សហរដ្ឋអាមេរិក ៖ សេតវិមានប៉ុនប៉ងកម្រិតការឆ្លងរាលដាលនៃវីរុស COVID-19 ក្នុងផ្ទៃរបស់ខ្លួន ខណៈអ្នកឆ្លងដំបូងនៅទីនោះមានច្រើននាក់រួចហើយ ។ សេតវិមានជាកន្លែងដែលវិធានការស្ថិតនៅឃ្លាតគ្នាពិបាកអនុវត្ត ។
កាលពីថ្ងៃទី១១ ឧសភា ប្រធានាធិបតីអាមេរិក លោកដូណាល់ ត្រាំ អះអាងថា មានភ័ព្វសំណាងដែលបណ្ដាមនុស្សជំនិតឬខ្លួនលោកផ្ទាល់អាចចៀសផុតពីការឆ្លងវីរុស ។ យើងមានមនុស្សច្រើន
នៅសេតវិមាន ។ លោកអះអាងបែបនេះក្នុងសន្និសីទសារព័ត៌មានមួយ ពេលកំពុងមានភាពតានតឹងនៃការឆ្លង ប៉ុន្តែទន្ទឹមនឹងនេះដែរប្រធានាធិបតីអាមេរិកបានលើកពីលទ្ធភាពកាត់បន្ថយការប្រាស្រ័យទាក់ទងរបស់លោកជាមួយអនុប្រធានាធិបតីលោក MIKE PENCE ដែលពុំមាន
វត្តមានក្នុងពេលនះជាមួយលោក ។ បែបនេះហាក់បង្ហាញថា អនុប្រធានាធិបតីរូបនោះកំពុងដាក់ខ្លួនឯងឲ្យនៅដាច់ពីគេក្រោយពីមនុស្សជំនិតម្នាក់របស់លោករកឃើញឆ្លងមក ។
លោកដូណាល់ត្រាំក៏ទោះត្រូវបានពួកប្រឆាំងរិះគន់ថា គ្រប់គ្រងវិបត្តិដោយគ្មានការទទួលខុសត្រូវនាំឲ្យប្រទេសមហាអំណាចនោះអាប់មុខមាត់ព្រោះចំនួនអ្នកឆ្លងនិងអ្នកស្លាប់មានកាន់តែច្រើនក្ដីក៏លោកនៅតែចេញសេចក្ដីថ្លែងការណ៍សុទិដ្ឋិនិយមនានា ។ លោកព្យាករជាថ្មីម្ដងទៀតពីការកើនឡើងនៃសេដ្ឋកិច្ចអាមេរិកក្នុងឆ្នាំ២០២១ ។
លោកថាតួលេខនៃអ្នកឆ្លងមានការចុះថយស្ទើរគ្រប់កន្លែង ។ យើងកំពុងមានការរីកចម្រើនដ៏ធំ ។ លោកអះអាងបែបនេះតាម TWITTER ដោយក៏វាយប្រហារយ៉ាងខ្លាំង ប្រឆាំងបណ្ដាសារព័ត៌មានដែលលោកថាជាសត្រូវរបស់ប្រជាជននិងវាយប្រហារលោកបារ៉ាក់ អូបាម៉ា ដែលមុននេះរិះគន់យ៉ាងចាស់ដៃពីអសមត្ថភាពរបស់លោកត្រាំ ក្នុងការគ្រប់គ្រងវិបត្តិនៃការឆ្លងរាលដាលនៃវីរុសដែលកំពុងតែសម្លាប់និងឆ្លងដល់ពលរដ្ឋអាមេរិកច្រើនជាងគេបំផុតនៃពិភពលោក ។
យោងតាមការរាប់របស់រ៉យទ័រថា តុល្យការនៃការឆ្លងវីរុសនៅអាមេរិកចំនួនអ្នកស្លាប់ពេលនេះឡើងដល់ជាង៨០.០០០នាក់ហើយ ខណៈនៅទីនោះការបន្ធូរបន្ថយការរិតត្បិតបង្ខាំងមនុស្សមិនឲ្យដើរហើរចេញក្រៅផ្ទះចាប់ផ្ដើមក្នុងរដ្ឋភាគច្រើន ។ ចំនួនអ្នកស្លាប់ប្រចាំថ្ងៃបានឡើងជាមធ្យមដល់២.០០០នាក់ចាប់តាំងពីពាក់កណ្ដាលខែមេសាមក ក៏ទោះបីមានវិធានការនានា
ដើម្បីទប់ការឆ្លងក្ដី ។
ចំពោះចំនួនអ្នកឆ្លងវីរុសនៅទីនោះវិញ ឡើងដល់សរុបជាង១,៣លាននាក់ ខណៈអ្នកឆ្លងនៅបន្តកើនខ្ពស់ ជាពិសេសនៅរដ្ឋមីស៊ីស៊ីពី មីនីសូតា និងណេប្រាស្កា ។ ផ្ទុយទៅវិញការឆ្លងបានចុះថយនៅរដ្ឋញូវចឺស៊ី និងរដ្ឋញូវយ៉ក ដែលតំណាងឲ្យជិតពាក់នៃអ្នកស្លាប់សរុប ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ