ប្រទេសអ៊ីរ៉ង់ ៖ នាវាចម្បាំងអ៊ីរ៉ង់១គ្រឿង បានត្រូវគ្រាប់មីស៊ីលមួយគ្រាប់ ក្នុងឱកាសនៃសមយុទ្ធជើងទឹកមួយក្នុងសមុទ្រអូម៉ង់ ដែលនោះជាការបាញ់ច្រឡំរបស់គ្នាឯង ក្នុងពេលមានភាពតានតឹង រវាងអ៊ីរ៉ង់និងសហរដ្ឋអាមរិកក្នុងឈូងសមុទ្រពែរ្ស៍។ ឧប្បត្តិហេតុនោះកើតមានកាលពីថ្ងៃទី១០ឧសភាវេលារសៀល នៅជិតតំបន់កំពង់ផែBANDAR-E-JASK…
ប្រទេសអ៊ីរ៉ង់ ៖ នាវាចម្បាំងអ៊ីរ៉ង់១គ្រឿង បានត្រូវគ្រាប់មីស៊ីលមួយគ្រាប់ ក្នុងឱកាសនៃសមយុទ្ធជើងទឹកមួយក្នុងសមុទ្រអូម៉ង់ ដែលនោះជាការបាញ់ច្រឡំរបស់គ្នាឯង ក្នុងពេលមានភាពតានតឹង រវាងអ៊ីរ៉ង់និងសហរដ្ឋអាមរិកក្នុងឈូងសមុទ្រពែរ្ស៍។
ឧប្បត្តិហេតុនោះកើតមានកាលពីថ្ងៃទី១០ឧសភាវេលារសៀល នៅជិតតំបន់កំពង់ផែBANDAR-E-JASK ក្នុងដែនទឹកនៃឆ្នេរសមុទ្រខាងត្បូងអ៊ីរ៉ង់។ នេះជាការអះអាងនាថ្ងៃទី១១ឧសភារបស់ទូរទស្សន៍រដ្ឋ។ នាវាឈ្មោះKONARAKជានាវាជួយទ្រទ្រង់ខាងភស្ដុភារ រងគ្រាប់មីស៊ីល បន្ទាប់ពីរំកិលខ្លួនកាត់គោលដៅនៃសមយុទ្ធ ឆ្ពោះទៅកាន់គោលដៅរបស់ខ្លួន ដោយមិនបង្កើតចម្ងាយគ្រប់គ្រាន់ ចន្លោះនាវានោះនិងគោលដៅនៃសមយុទ្ទ។ ទូរទស្សន៍នេះមិនបានរាយការណ៍ពីចំនួនសរុបនៃនាវិក លើនាវានោះពេលកើតគ្រោះថ្នាក់ឡើយ។
ក្នុងសេចក្ដីប្រកាសមួយ កងទ័ពអ៊ីរ៉ង់រាយការណ៍ពីមនុស្ស១៩នាក់បាត់បង់ជីវិត និងមនុស្ស១៥នាក់រងរបួស ក្នុងឧប្បត្តិហេតុនេះពេលសមយុទ្ធ។ នាវានោះបានត្រូវសណ្ដោង មកកាន់ដែនដីដើម្បីធ្វើការស៊ើបអង្កេតខាងបច្ចេកទេស។
កងទ័ពនោះបានអំពាវនាវ ឲ្យចៀសវាងកុំឲ្យមានពាក្យចចាមអារ៉ាម រហូតដល់មានការចេញផ្សាយព័ត៌មានបន្ថែមទៀត៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ