ខេត្តស្ទឹងត្រែង ៖ ខណ្ឌរដ្ឋបាលជលផលស្ទឹងត្រែងបានអំពាវនាវដល់អ្នកនេសាទនាំគ្នាគោរពច្បាប់ជល
ផលឲ្យបានខ្ជាប់ខ្ជួននៅក្នុងរដូវបិទនេសាទចាប់ពីខែឧសភាដល់ថ្ងៃទី៣០ ខែកញ្ញា ឆ្នាំ២០២០នេះ ដើម្បីអភិរក្សពូជត្រីសំខាន់ៗ និងធ្វើឱ្យធនធានមច្ឆជាតិសំបូរបែបឡើងវិញ ។
លោក វង្ស សាវឿន នាយរងខណ្ឌជលផលខេត្តស្ទឹងត្រែង បានអំពាវនាវដល់ប្រជានេសាទទាំង
អស់ត្រូវមានឆន្ទៈស្រឡាញ់ធនធានជីវចំរុះ ដែលមាននៅតាមដងទន្លេ ហើយនៅរដូវបិទនេសាទនេះសូមចៀសវាងកុំប្រើប្រាស់ឧបករណ៍នេសាទណា ដែលច្បាប់ហាមឃាត់។
លោកពន្យល់ថាបញ្ហានេះ ភាគីពាក់ព័ន្ធត្រូវជួយទប់ស្កាត់បទល្មើសផ្សេងៗព្រោះកន្លងមកមន្ត្រីជល
ផលបានប្រើវិធីសាស្ត្រអប់រំគ្រប់រូបភាពហើយ និងមានពេលខ្លះក៍បានដកហូតនៅឧបករណ៍និងឃាត់ទាំងមនុស្សផងដែរជាក់ស្តែងពេលនេះជំនាញដកហូតមងបានជាង៣០០០ម៉ែត្រផងដែរ។
លោក ខាំផៃ ម៉ារ៉ា តំណាងឱ្យប្រជាសហគមន៍នេសាទភូមិស្រែតាប៉ាន ឃុំសាមឃួយ ស្រុកសេសា
ន បានបញ្ជាក់ថា អ្នកនេសាទភាគច្រើនបានយល់ដឹងពីច្បាប់ ជលផល តែក៍នៅមានជនខិលខូចមួយ
ចំនួននៅតែលួចលាក់ធ្វើសកម្មភាព នេសាទខុសច្បាប់ ខ្លះឆក់ក្តៅ ឆក់ត្រជាក់ បំពុល និងបទល្មើស បន្ទាប់បន្សំផ្សេងទៀត ដូចជាលួចដាក់មង ក្នុងអន្លុងអភិរក្សជាដើម។
លោកថាបទល្មើសប្រភេទនេះពិតជានៅកើតមាន ហើយលោកតែងតែសហការជាមួយមន្ត្រីជំនា
ញជលផលចុះបង្ក្រាបជារឿយៗតែធ្វើមិនឈ្នះ គួបផ្សំតំបន់យើងមានភូមិសាស្ត្រធំហើយយើងមានគ្នាតិចតួចផង ចំណែកបទល្មើសខ្លះកើតមាន ច្រើននៅពេលយប់។
សូមបញ្ជាក់ថា ខេត្តស្ទឹងត្រែងមានអន្លង់អភិរក្សពូជត្រីសំខាន់ៗចំនួន៦០-ក្នុងនោះមានអន្លង់អភិ
រក្សត្រីផ្សោតចំនួន៤និងមានសហគមន៍នេសាទចំនួន៥២-ហើយកិច្ចសហការបង្ក្រាបបទល្មើសរយៈ
ពេល១សប្តាហ៍នេះមន្ត្រីជំនាញដកហូតមងក្រឡាគ្រប់ប្រភេទចំនូន១២ត្បូងស្មើនិង៦០០០ម៉ែត្រអប់រំប្រជាអ្នកនេសាទ៥០នាក់និងបានឱ្យធ្វើកិច្ចសន្យាចំនួន១២នាក់ផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ