កីឡដ្ឋាន Gelora Bung Karno របស់ក្រុមបាល់ទាត់ជម្រើសជាតិឥណ្ឌូនេស៊ី ដែលមានមូលដ្ឋានក្នុងទីក្រុង Jakarta ត្រូវបានជ្រើសរើសក្លាយជាកីឡដ្ឋានល្អដាច់គេ និងជាទីគួរឲ្យចាប់អារម្មណ៍បំផុតប្រចាំតំបន់អាស៊ាន ក្រោយឈ្នះលើការបោះឆ្នោតដោយអ្នកគាំទ្រ ដែលធ្វើឡើងដោយគេហទំព័រផ្លូវការរបស់សហព័ន្ធបាល់ទាត់ទ្វីបអាស៊ីហៅកាត់ AFC ។
កីឡដ្ឋាន Gelora Bung Karno ដែលមានសមត្ថភាពអាចផ្ទុកអ្នកទស្សនាបានចំនួន ៧៧,១៩៣នាក់មួយនេះ ទទួលបានសំឡេងគាំទ្ររហូតដល់ ៥៨% ឈ្នះសំឡេងគាំទ្រលើកីឡដ្ឋានជាតិ Bukit Jalil របស់ក្រុមជម្រើសជាតិម៉ាឡេស៊ីដែលទទួលបាន ១៩%។
ខណៈលេខ ៣ បានទៅលើកីឡដ្ឋាន ANZ (Stadium Australia) របស់ប្រទេសជម្រើសជាតិអូស្ត្រាលី និងលេខ ៤ បានទៅលើកីឡដ្ឋាន Rajamangala របស់ក្រុមជម្រើសជាតិថៃ ស្របពេលដែលលេខ ៥ បានទៅលើកីឡដ្ឋានជាតិ My Dinh របសើក្រុមជម្រើសជាតិវៀតណាម ៕
ចែករំលែកព័តមាននេះ