កំណាព្យ (នំមិនធំជាងនាឡិ) បទពាក្យ៨ ដោយ ព្រុំ គឹមជឿន
– កូឡាបមួយទងដែលបងប្រាថ្នា បេះដូងកត់ត្រាចារឈ្មោះពិសី
ភ្ជាប់ពាក្យហើយស្រេចសំរេចសំដី រង់ចាំតែថ្ងៃទទួលផ្កាស្លា ។
– កូឡាបមួយទងដែលបងប្រាថ្នា បេះដូងកត់ត្រាចារឈ្មោះពិសី
ភ្ជាប់ពាក្យហើយស្រេចសំរេចសំដី រង់ចាំតែថ្ងៃទទួលផ្កាស្លា ។
– នឹកឃើញថ្ងៃនោះអូនហើយនិងបង សក្ដិសមកន្លងដូចអង្គក្សត្រា
មានម្ចាស់ក្សត្រីនៅជិតកាយា រំភើបចិន្ដាញញឹមប្រឹមប្រិ៍យ ។
– មិនយូរប៉ុន្មាននឹងបានជួបគ្នា ថា្នក់ថ្នមពុំងារួមរស់មេត្រី
ស្រាប់តែចាស់ៗក្រឡាស់ពាក្យថ្មី ផ្ដាច់ពាក្យសំដីគ្មានក្ដីមេត្ដា ។
– ពួកគាត់ទាស់ចិត្ដព្រោះត្បិតរឿងកេរ ឱ្យកូនទាំងទ្វេរសោយសោកទុក្ខា
យើងស្រក់ទឹកភ្នែក ស្ទើរបែកចិន្ដា អាណិតស្នេហាទើបដុះពន្លក ។
– ព្រោះភាពកតញូត្រូវគោរពតាម ពួកគាត់ហាមប្រាមមិនឱ្យទៅមក
នឹកណាស់នួនល្អងបងលួចស្កាត់រក រាល់ពេលនឹកភ្នកមកលួចមើលស្រី។
– ខំប្រឹងកាត់ចិត្ដទាំងក្ដីឈឺចាប់ ទោះបេះដូងប្រាប់ថាស្នេហ៍ភក្ដី
គុណឪពុកម្ដាយធ្ងន់លើសអ្វីៗ បង្ខំហរទ័យឱ្យទ្រាំបំពេញ ។
– ម្ដេចក៏ចាស់ទុំយល់ធំលើទ្រព្យ? ម្ដេចពួកគាត់ផ្គាប់ចិត្ដខ្លួនទៅវិញ?
ម្ដេចឱ្យពួកយើងសោកាទោម្នេញ ក្នុងទ្រូងពោរពេញដោយក្ដីអាល័យ។
– ពួកយើងជានំមិនធំជាងនាឡិ ទោះស្នេហ៍ជ្រៅជ្រាលក៏ឥតតម្លៃ
ប្រាថ្នាជាតិក្រោយបើមាននិស្ស័យ សូមជួបជាថ្មីដោយគ្មានឧបសគ្គ ។
ដោយ ព្រុំ គឹម ជឿន prumkimchoeun@gmail.com
ចែករំលែកព័តមាននេះ