សហរដ្ឋអាមេរិក ៖ យោងតាមការសិក្សាមួយថា អត្រាស្លាប់ដោយសារវីរុសCOVID-19 អាចកាត់បន្ថយបានពាក់កណ្ដាល ដោយសារវីតាមីនDដែលជួយកែលម្អដល់ប្រព័ន្ធការពាររបស់យើង។
បណ្ដាអ្នកស្រាវជ្រាវនៃសាកលវិទ្យាល័យNORTHWESTERNរដ្ឋអីុលីណយ បានរកឃើញការទាក់ទងគ្នាសំខាន់មួយ រវាងការខ្វះធ្ងន់ធ្ងរនៃវីតាមីនDនិងអត្រាស្លាប់ខ្ពស់នៃបណ្ដាអ្នកជំងឹCOVID-19។ ពួកគេបានធ្វើការវិភាគលើបណ្ដាអ្នកជំងឺ នៅតាមមន្ទីរពេទ្យនិងគ្លីនិក ក្នុងប្រទេសជាច្រើន ពិសេសនៅចិន បារាំង អ៊ីរ៉ង់និងកូរ៉េខាងត្បូង ហើយកត់សម្គាល់ឃើញថា បណ្ដាអ្នកជំងឺក្នុងបណ្ដាប្រទេស ដែលមានអត្រាស្លាប់ខ្ពស់ ដូចជាអ៊ីតាលី អេស្ប៉ាញនិងអង់គ្លេសជាដើម ពួកគេអាចមានអត្រាវីតាមីនD ទាបជាងបណ្ដាអ្នកជំងឺក្នុងបណ្ដាប្រទេសដែលមិនមានការប៉ះពាល់ធ្ងន់ធ្ងរ។
ពិតមែនហើយអ្នកស្រាវជ្រាវមួយចំនួន លើកឡើងពីការខុសគ្នាជាយថាហេតុនៃគុណភាពព្យាបាល ភាពខុសគ្នាននៃអាយុ ចំនួននៃការធ្វើតេស្តឬក៏ស៊ូសSOUCHESនៃវីរុស ហើយក្រុមនោះងាកមកធ្វើការសន្និដ្ឋាមួយផ្សេងទៀត។
លោកវ៉ាឌីមបាក់ម៉ាន់ដែលដឹកនាំការសិក្សានោះថ្លែងថា ក្នុងចំណោមកត្តាទាំងនេះពុំមានកត្តាណាមួយ ហាក់ដើរតួនាទីសំខាន់ឡើយ ហើយប្រព័ន្ធសុខាភិបាល នៅភាគខាងជើងអីុតាលីជាប្រព័ន្ធសុខាភិបាលដែលល្អជាងគេបំផុតមួយនៃពិភពលោក តែទីនោះនៅតែមានអ្នកស្លាប់ច្រើនដោយសារវីរុស។ ម្យ៉ាងទៀតបណ្ដាប្រទេសដែលមានលទ្ធភាពធ្វើតេស្តខ្ពស់ក៏មានអត្រាស្លាប់ខ្ពស់ដែរ។ ជាការសន្និដ្ឋានយើងកត់សម្គាល់ឃើញថា អត្រាស្លាប់ខ្ពស់មកពីការខ្វះវីតាមីនD។
ដោយវិភាគលើបណ្ដាទិន្នន័យរបស់អ្នកជំងឺលើពិភពលោកទាំងមូល បណ្ដាអ្នកស្រាវជ្រាវបានរកឃើញថា វាមានទំនាក់ទំនងមួយរវាងកម្រិតវីតាមីនD និងព្យុះCYTOKINESដែលបង្កការរលាកខ្លាំងបណ្ដាលមកពីប្រព័ន្ធការពារខំបញ្ចេញប្រតិកម្មទប់ទល់វីរុសជ្រុលពេក។ ព្យុះCYTOKINESអាចធ្វើឲ្យសួតរងការខូចខាតធ្ងន់ធ្ងរនិងនាំឲ្យមានការពិបាកក្នុងការដកដង្ហើមហើយបណ្ដាលឲ្យអ្នកជំងឺស្លាប់។ បែបនេះហាក់ដូចជាវាសម្លាប់អ្នកជំងឹភាគច្រើន ដែលឆ្លងវីរុស ហើយពុំមែនដោយសារការបំផ្លាញសួតដោយវីរុសផ្ទាល់ឡើយ។
បណ្ដាអ្នកវិទ្យាសាស្ត្រយល់ថា កម្រិតត្រឹមត្រូវនៃវីតាមីនD អាចដើរតួនាទីការពារមួយ។ ការសិក្សានោះនៅបន្តថា បែបនេះវានឹងមិនរារាំងមនុស្សម្នាក់មិនឲ្យឆ្លងវីរុសមែន តែវាអាចកាត់បន្ថយភាពស្មុគ្រស្មាញនានានិងមិនឲ្យបណ្ដាអ្នកឆ្លងងាយស្លាប់បាន។
យើងដឹងហើយថាវីតាមីនD អាចផ្ដល់ជាពិសេសតាមរយៈកាំរស្មីព្រះអាទិត្យនិងអាហារមួយចំនួន៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ