ខ្វល់ចិត្តនឹងបញ្ហាឧស្សាហ៍ឡើងមុនមែនទេ? កុំបារម្ភ! ថ្ងៃនេះវេបសាយសុខភាព យើង នឹងបង្ហាញឱ្យដឹងពីគន្លឹះងាយៗដើម្បីកម្ចាត់មុន ៖ ១. បង្កើនការទទួលទានជាតិសសៃ ក្រៅពីធ្វើឱ្យការរំលាយអាហារកាន់តែប្រសើរឡើងហើយនោះ ជាតិសសៃក៏ជួយរារាំងការរលាកទប់ស្កាត់ការឡើងមុនផងដែរ។…
ខ្វល់ចិត្តនឹងបញ្ហាឧស្សាហ៍ឡើងមុនមែនទេ? កុំបារម្ភ! ថ្ងៃនេះវេបសាយសុខភាព យើង នឹងបង្ហាញឱ្យដឹងពីគន្លឹះងាយៗដើម្បីកម្ចាត់មុន ៖
១. បង្កើនការទទួលទានជាតិសសៃ
ក្រៅពីធ្វើឱ្យការរំលាយអាហារកាន់តែប្រសើរឡើងហើយនោះ ជាតិសសៃក៏ជួយរារាំងការរលាកទប់ស្កាត់ការឡើងមុនផងដែរ។ ដូច្នេះដើម្បីកម្ចាត់និងទប់ស្កាត់មុនចូរព្យាយាមរួមបញ្ចូលអាហារសម្បូរជាតិសសៃក្នុងរបបអាហារប្រចាំថ្ងៃ។
២. ប្រើប្រាស់ប្រទាលកន្ទុយក្រពើ
មិនត្រឹមតែមានផ្ទុកលក្ខណៈសម្បត្តិប្រឆាំងការរលាកប៉ុណ្ណោះទេ ប៉ុន្តែក៏អាចផ្ដល់ភាពត្រជាក់និងបំបាត់ការឈឺចាប់រមាស់គួរឱ្យកត់សម្គាល់។ ប្រទាលកន្ទុយក្រពើក៏កាត់បន្ថយស្នាមសំលាកដែលបន្សល់ពីការឡើងមុន ហើយអ្នកនឹងទទួលបានស្បែកស្រស់ស្អាតភ្លឺរលោង។
៣. កាត់បន្ថយការទទួលទានស្ករ
មូលហេតុចម្បងបំផុតមួយដែលបណ្ដាលឱ្យស្បែកឡើងមុន គឺដោយសារការទទួលទានស្ករច្រើនពេក។ នេះក៏ព្រោះតែការទទួលទានអាហារផ្អែមៗជះឥទ្ធិពលទាំងលើកម្រិតនៃជាតិស្ករក្នុងឈាមនិងអ័រម៉ូន។
៤. រមៀត
អ្វីដែលអ្នកត្រូវធ្វើ គឺគ្រាន់តែលាយម្សៅរមៀតជាមួយទឹកផ្លែម្នាស់ស្រស់រហូតដល់ក្លាយជាល្បាយខាប់ៗ។ លាបល្បាយលើតំបន់ស្បែកដែលទទួលរងផលប៉ះពាល់។ ទុកចោលសម្រាប់រយៈពេលពី ២ ទៅ ៣ នាទីសិនសឹមលាងសម្អាតចេញឱ្យសព្វ។
៥. ទទួលទានអាហារសម្បូរជាតិស័ង្កសី
ស័ង្កសីជាជាតិរ៉ែចាំបាច់មួយដែលរាងកាយត្រូវការដើម្បីពង្រឹងប្រព័ន្ធភាពស៊ាំប្រយុទ្ធប្រឆាំងរាល់បាក់តេរី រួមទាំងប្រភេទដែលបង្កឱ្យមានការឡើងមុន។
៦. ប្រេងអូលីវ
អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងអូលីវថ្នមៗលើតំបន់ស្បែកដែលទទួលរងផលប៉ះពាល់រហូតដល់ជ្រាបចូល។ ជ្រលក់កន្សែងស្អាតមួយក្នុងទឹកក្ដៅឧណ្ហៗ ហើយជូតប្រេងដែលលើសចេញ។ សម្អាតមុខជាមួយទឹកត្រជាក់ក្រោយរយៈពេល ៥ នាទី៕ ប្រភព ៖ Health.com.kh
ចែករំលែកព័តមាននេះ