ប្រទេសវេណេស៊ុយអេឡា ៖ ជនជាតិអាមេរិក២នាក់ទទួលការចោទប្រកាន់ពីបទភេរវកម្មក្រោយការប៉ុនប៉ងចូលលុកលុយនិងធ្វើរដ្ឋប្រហារនៅវេណេស៊ុយអេឡា ។
ប្រធានាធិបតីវេណេស៊ុយអេឡា លោកនីកូឡាស់ ម៉ាឌូរ៉ូ បាទចោទគូប្រឆាំងប្រធានាធិបតីអាមេរិកលោកដូណាល់ត្រាំថា បានដឹកនាំដោយផ្ទាល់ការលុកលុយតាមសមុទ្រនេះ ដែលពុំបានសម្រេចកាលពីថ្ងៃទី៣ឧសភាកន្លងមកនេះ ។ ជនជាតិមេរិកទាំង២នាក់ទទួលការចោទប្រកាន់ពីបទប៉ុនប៉ងលុកលុយចូលវេណេស៊ុយអេឡា ៤ថ្ងៃក្រោយពីពួកគេត្រូវចាប់ខ្លួនក្នុងប្រទេសនេះ ។ អគ្គរដ្ឋអាជ្ញាវេណេស៊ុយអេឡា ប្រកាសនាថ្ងៃទី៨ឧសភាថា ពួកគេជាអតីតទាហាននៃកងកម្លាំងពិសេសអាមេរិក ហើយពេលនេះទទួលការចោទប្រកាន់ពីបទភេរវកម្មនិងរួមគំនិតប៉ងធ្វើរដ្ឋប្រហារ ។
យោងតាមអយ្យការថា ជនជាតិអាមេរិកទាំងទាំង២នាក់នោះ ម្នាក់ឈ្មោះ LUKE DENMAN អាយុ៣៤ឆ្នាំ និងម្នាក់ទៀតឈ្មោះAIRAN BERRY អាយុ៤១ឆ្នាំ បានត្រូវចាប់ខ្លួនកាលពីថ្ងៃទី៤ ឧសភា ក្រោយពីអាជ្ញាធរវេណេស៊ុយអេឡា បានរាំងខ្ទប់ការដាក់ទ័ពមួយតាមនាវារបស់ពួកទាហានសីុស្នួលមកពីកូឡុំប៊ីនៅតំបន់ឆ្នេរខ្សាច់មាត់សមុទ្រមួយ ។ ទាហានស៊ីឈ្នួល៣១
នាក់បានត្រូវចាប់ខ្លួន ។
លោកនីកូឡាស់ម៉ាឌូរ៉ូបានចោទប្រកាន់លោកដូណាល់ ត្រាំថា បានដឹកនាំដោយផ្ទាល់នូវការលុកលុយតាមសមុទ្រនេះ ។ លោកអះអាងនាថ្ងៃទី៨ ឧសភាថា ប្រតិបត្តិការមិនបានសម្រេចនោះរៀបចំដោយពួកនិរទេសគុយបា និងពួកCIA ដែលកាលពីឆ្នាំ១៩៦១ធ្លាប់ប៉ុនប៉ងផ្ដួលរំលំ
លោកហ្វីដែលកាស្ត្រួ ។
ចំណែកប្រធានាធិបតីអាមេរិកអះអាងនាថ្ងៃនោះដែរថា សហរដ្ឋអាមេរិកមិនមែនជាអ្នកនៅពីក្រោយប្រតិបត្តិការបិនបានសម្រេចនោះទេ ។ លោកម៉ាឌូរ៉ូបន្តថា ប្រតិបត្តិការនេះរៀបចំដោយមេដឹកនាំប្រឆាំងលោកJUAN GUAIDO សម្រាប់ការធ្វើរដ្ឋប្រហារមួយប្រឆាំងលោក ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ