ប្រទេសកូរ៉េខាងត្បូង ៖ ក្រុងសេអ៊ូលបានចេញបញ្ជាកាលពីថ្ងៃទី១០ ឧសភា ឲ្យបិទបារនិងហាងឌីស្កូក្នុងរដ្ឋធានីវិញ ដោយសារការលេចប្រភពចម្លងវីរុស COVID-19ថ្មីមួយ ដែលនាំឲ្យមានការភ័យខ្លាចដល់រលកថ្មីនៃការឆ្លង ដែលមកទល់ពេលនេះបានរាំងខ្ទប់បាន ។…
ប្រទេសកូរ៉េខាងត្បូង ៖ ក្រុងសេអ៊ូលបានចេញបញ្ជាកាលពីថ្ងៃទី១០ ឧសភា ឲ្យបិទបារនិងហាងឌីស្កូក្នុងរដ្ឋធានីវិញ ដោយសារការលេចប្រភពចម្លងវីរុស COVID-19ថ្មីមួយ ដែលនាំឲ្យមានការភ័យខ្លាចដល់រលកថ្មីនៃការឆ្លង ដែលមកទល់ពេលនេះបានរាំងខ្ទប់បាន ។
ប្រធានាធិបតីកូរ៉េខាងត្បូងលោក MOON JAE IN បានស្នើដល់ប្រជាជនឲ្យមានការប្រុងប្រយ័ត្នកាន់តែខ្ពស់ ខណៈដែលប្រទេសនេះជាប្រទេសមួយ ក្នុងចំណោមប្រទេសឆ្លងវីរុសខ្លាំងជាងគេនៃពិភពលោកដែរ ទទួលបានការសរសើរពីប្រទេសជាច្រើនចំពោះលទ្ធផលរបស់ខ្លួនក្នុងការតស៊ូប្រឆាំងវីរុស ។
ក្នុងចំណោមអ្នកឆ្លងវីរុសថ្មី១៨នាក់នាថ្ងៃទី៩ ឧសភា មានបុរសអាយុ២៩ឆ្នាំម្នាក់បានធ្វើតេស្តមានលទ្ធផលវិជ្ជមាន បន្ទាប់ពីរូបគេចូលបារនិងក្លឹបរាត្រីចំនួន៥ កាលពីចុងសប្ដាហ៍កន្លងទៅនៅ
សង្កាត់ ITAEWON ។ អាជ្ញាធរសុខាភិបាលមានការសង្ស័យលើការកើនឡើងថ្មីនៃការឆ្លង ព្រោះគេវាយតម្លៃថាមានមនុស្សដល់ទៅប្រមាណជា៧.២០០នាក់ បានទៅចូលបារនិងក្លឹបរាត្រីទាំង៥កន្លែងក្នុងសង្កាត់នោះ ។
អភិបាលក្រុងសេអ៊ូលលោក PARK WON SOON ថ្លែងថា ការធ្វេសប្រហែសអាចនាំឲ្យមាន
ការផ្ទុះឡើងវិញនៃការឆ្លង ។ លោកបញ្ជាក់ថា ការបិទបារនិងក្លឹបរាត្រីនឹងរក្សាទុករហូតដល់មានបទបញ្ជាជាថ្មី ។ លោកក៏ស្នើផងដែរដល់បណ្ដាអ្នកដែលចូលបារនិងក្លឹបរាត្រីទាំងនេះត្រូវប្រាប់ឲ្យគេស្គាល់ផង ងាយតាមដាននិងទប់ស្កាត់ការឆ្លងថ្មីៗ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ