សហអាមេរិក ៖ តាមប្រភពព័ត៌មាន CNN បានឱ្យដឹងថា មន្ត្រីអាមេរិកម្នាក់បាននិយាយថា សេតវិមានបានផ្ញើកំណត់ហេតុទៅបុគ្គលិកទាំងអស់កាលពីថ្ងៃសុក្រ បន្ទាប់ពីលេខាធិការសារព័ត៌មានរបស់អនុប្រធានាធិបតី Mike Pence…
សហអាមេរិក ៖ តាមប្រភពព័ត៌មាន CNN បានឱ្យដឹងថា មន្ត្រីអាមេរិកម្នាក់បាននិយាយថា សេតវិមានបានផ្ញើកំណត់ហេតុទៅបុគ្គលិកទាំងអស់កាលពីថ្ងៃសុក្រ បន្ទាប់ពីលេខាធិការសារព័ត៌មានរបស់អនុប្រធានាធិបតី Mike Pence គឺលោកស្រី Katie Miller បានធ្វើតេស្តវិជ្ជមានជំងឺកូវីដ១៩។
ឯកសារបញ្ជាក់លម្អិតអំពីវិធានការរបស់សេតវិមាន ដើម្បីការពារការរីករាលដាលនៃវីរុសកូវីដ១៩ ដែលរួមមានការរក្សាការងារតាមអ៊ីនធើរណេត ការតាមដានការធ្វើដំណើរ និងការតាមដានរោគសញ្ញាដោយខ្លួនឯង។
នាយកដ្ឋានខ្លះដូចជាការិយាល័យគ្រប់គ្រង និងថវិកា កំពុងហៅអ្នកធ្វើការរបស់ខ្លួនមកធ្វើការនៅក្នុងការិយាល័យវិញ បើទោះបីជាការធ្វើការតាមអ៊ីនធើរណេតត្រូវបានគេចង់ឱ្យមានកាន់តែច្រើនក៏ដោយ។
កាលពីដើមសប្តាហ៍នេះ បុគ្គលិកសេតវិមានបានទទួលកំណត់ហេតុដាច់ដោយឡែកមួយ ដែលជូនដំណឹងដល់ពួកគេថា ពួកគេនឹងត្រូវបានសួរនៅពេលចូលមកធ្វើការ អំពីរោគសញ្ញារបស់ពួកគេ។
វិធានការណ៍នេះ នឹងបន្ថែមទៅលើការត្រួតពិនិត្យសីតុណ្ហភាព ដែលត្រូវការសម្រាប់ការចូលទៅកាន់សេតវិមាន។ កំណត់ហេតុនោះបាននិយាយថា អ្នកដែលទទួលស្គាល់ថាមានរោគសញ្ញាអាចត្រូវបានដាក់ឱ្យមានការពិនិត្យបន្ថែម ឬ មិនអនុញ្ញាតឱ្យចូលតែម្តង។ មកដល់ពេលនេះ គេមិនទាន់បានប្រាប់ពីការពាក់ម៉ាស់នោះទេ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ