ឆ្នាំ១៩៤៥
-នៅឆ្នេរសមុទ្រអូគីណាវ៉ា នាវាចំបាំង USS Bunker Hill ត្រូវទទួលរងការវាយប្រហារពីកងទ័ពជប៉ុន បណ្ដាលឱ្យនាវិក៣៤៦នាក់ស្លា.ប់ ហើយនាវាបានរងការខូចខាតយ៉ាងខ្លាំងតែអាចធ្វើដំណើរទៅកាន់ សហរដ្ឋអាមេរិកបាន ។
ឆ្នាំ១៥០២
-លោកគ្រីស្ដូហ្វ័រ កូឡុំបឺស ចេញដំណើរជើងទី៤ និងជាដំណើរចុងក្រោយរបស់លោកទៅកាន់តំបន់ការីបៀន ។
ឆ្នាំ១៧៩២
-លោករូបឺតហ្គ្រេ បានក្លាយជាជនជាតិស្បែកសទី១ ដែលបានធ្វើដំណើរឆ្លងកាត់ទន្លេកូឡុំប៊ី ស្ថិតនៅក្នុងតំបន់អាមេរិកខាងជើង ។ លោកជាជនជាតិអាមេរិក ។
ឆ្នាំ១៨១២
-លោកនាយករដ្ឋមន្ដ្រីអង់គ្លេសស្ពេនស័រ ពែ័រសឺវ៉ាល់ ត្រូវបានលោកចន បេលីងហេម ធ្វើឃាតនៅកន្លែងទទួលភ្ញៀវក្នុងអគាររដ្ឋសភា នាទីក្រុងឡុង ។
ឆ្នាំ១៨៥៧
-កងទ័ពឧទ្ទាមឥណ្ឌា បានចូលឡោមព័ទ្ធកាន់កាប់ទីក្រុងដែល្លី ចេញពីពួកចក្រភពអង់គ្លេស ។
ឆ្នាំ១៨៥៨
-រដ្ឋមីណេសូតា ត្រូវបានបញ្ចូលជារដ្ឋទី៣២ នៃសហរដ្ឋអាមេរិក។
ឆ្នាំ១៨៦៧
-ប្រទេសលុចហ្សំបួរបានទទួលឯករាជ្យ តាមរយៈសន្ធិសញាទីក្រុងឡុងទី២ ដោយមានការទទួលស្គាល់ពីប្រទេសបារាំង និងប្រទេសព្រុសស៊ី ។
ឆ្នាំ១៩៤៤
-ក្នុងសង្គ្រាមលោកលើកទី២ កងទ័ពសម្ព័ន្ធមិត្ដបានបើកការវាយប្រហារទ្រង់ទ្រាយធំប្រឆាំងពួកអំណាចអាកស៊ីស។
ឆ្នាំ១៩៤៥
-នៅឆ្នេរសមុទ្រអូគីណាវ៉ា នាវាចំបាំង USS Bunker Hill ត្រូវទទួលរងការវាយប្រហារពីកងទ័ពជប៉ុន បណ្ដាលឱ្យនាវិក៣៤៦នាក់ស្លាប់ ហើយនាវាបានរងការខូចខាតយ៉ាងខ្លាំងតែអាចធ្វើដំណើរទៅកាន់ សហរដ្ឋអាមេរិកបាន ។
ឆ្នាំ១៩៤៦
-បក្សនយោបាយដ៏ធំបំផុតនៅក្នុងប្រទេសម៉ាឡេស៊ី UMNO ត្រូវបានបង្កើតឡើង ។
ឆ្នាំ១៩៤៩
-ប្រទេសសៀមបានប្ដូរឈ្មោះជាផ្លូវការមកជាប្រទេសថៃជាលើកទី២ បន្ទាប់ពីធ្លាប់បានប្រើនៅចន្លោះពីឆ្នាំ១៩៣៩ដល់ឆ្នាំ១៩៤៥។
-ប្រទេសអ៊ីស្រាអែលបានចូលជាសមាជិកនៃអង្គការសហប្រជាជាតិ។
ឆ្នាំ១៩៦០
-នៅក្នុងប្រទេសអាហ្សង់ទីនភ្នាក់ងារ អ៊ីស្រាអែល៤នាក់បានចាប់ខ្លួនអតីតមន្ដ្រីជាន់ខ្ពស់របស់ពួកណាហ្ស៊ីអាល្លឺម៉ង់ឈ្មោះ អាដុល អ៊ីសេម៉ាន ដែលរស់នៅទីនោះ ដោយប្រើឈ្មោះថ្មីថា រីកាដូ ក្លេម៉ែន ។
-ថ្នាំគ្រាប់ពន្យារកំណើតត្រូវបានដាក់លក់ជាសាធារណៈនៅលើទីផ្សារ។
ឆ្នាំ១៩៧០
-ខ្យល់ព្យុះមួយបានបោកបក់លើរដ្ឋតិចសាស់បណ្ដាលឱ្យស្លាប់មនុស្ស២៦នាក់ និងខូចខាតទ្រព្យសម្បត្ដិជាង២៥០លានដុល្លារអាមេរិក។
ឆ្នាំ១៩៨៧
-មន្ដ្រីជាន់ខ្ពស់ណាហ្ស៊ីអាល្លឺម៉ង់ ក្លូស បាប៊ី ត្រូវបាននាំយកមកកាត់ក្ដីក្នុងតុលាការទីក្រុងលីយ៉ុង សំរាប់ឧក្រិដ្ឋកម្មសង្គ្រាមក្នុងអំឡុងពេលដែលខ្លួនបានធ្វើខណៈមាន សង្គ្រាមលោកលើកទី២។
ឆ្នាំ២០០៤
-លោកនាយករដ្ឋមន្ដ្រីថៃ ថាក់ស៊ីន ស៊ីណាវ៉ាត់ត្រា បានទិញភាគហ៊ុន៣០ភាគរយរបស់ក្លឹបកីឡាបាល់ទាត់លីវើរភូល ក្នុងតំលៃប្រហែល១០០លានដុល្លារ ។
ឆ្នាំ២០០៨
-ចំនួនមនុស្សស្លាប់ដោយសារខ្យល់ព្យុះណាគ្រីស នៅក្នុងប្រទេសភូមាឡើងដល់២៨.៤៥៨នាក់៕
ចែករំលែកព័តមាននេះ