នាយកដ្ឋានប្រយុទ្ធនឹងជំងឺឆ្លងអាមេរិក CDC ត្រូវនៅដាច់ដោយឡែក២សប្តាហ៍
សហរដ្ឋអាមេរិក ៖ អ្នកនាំពាក្យរបស់នាយកដ្ឋានប្រយុទ្ធនឹងជំងឺឆ្លងអាមេរិក CDC បានប្រាប់មក CNN ថា លោក Robert Redfield…
សហរដ្ឋអាមេរិក ៖ អ្នកនាំពាក្យរបស់នាយកដ្ឋានប្រយុទ្ធនឹងជំងឺឆ្លងអាមេរិក CDC បានប្រាប់មក CNN ថា លោក Robert Redfield…
សហរដ្ឋអាមេរិក ៖ អ្នកនាំពាក្យរបស់នាយកដ្ឋានប្រយុទ្ធនឹងជំងឺឆ្លងអាមេរិក CDC បានប្រាប់មក CNN ថា លោក Robert Redfield ដែលជានាយកនៃនាយកដ្ឋាននេះ នឹងត្រូវបំពេញការងារពីផ្ទះក្នុងកំឡុងពេល២សប្តាហ៍ខាងមុខនេះ ក្រោយពីបានប៉ះពាល់ជាមួយនឹងមនុស្សដែលនៅសេតវិមាន ដែលទើបតែរកឃើញថាមានជំងឺកូវីដ១៩។
ទូរទស្សន៍ស៊ីអ៊ិនអ៊ិនបានទៅដល់ CDC ដើម្បីសុំការអត្ថាធិប្បាយ។ អ្នកនាំពាក្យបានប្រាប់ថា៖ «លោកនាយក Redfield បានប៉ះពាល់ក្នុងកម្រិតប្រឈមទាប កាលពីថ្ងៃទី៦ ខែឧសភា ជាមួយនឹងមនុស្សម្នាក់នៅសេតវិមាន White House ដែលមានផ្ទុកកូវីដ១៩។ លោកមានសុខភាពធម្មតាទេនៅពេលនេះ ហើយក៏មិនមានរោគសញ្ញាដែរ»។
ការសម្រេចចិត្តនេះធ្វើឡើងបន្ទាប់ពីរដ្ឋបាលចំណីអាហារ និងឪសថ (FDA) ប្រកាសថា នាយករបស់ខ្លួន គឺលោក Stephen Hahn គ្រោងនឹងនៅដាច់ដោយឡែក បន្ទាប់ពីបានទាក់ទងជាមួយនឹងមនុស្សដែលត្រូវបានគេធ្វើតេស្តរកឃើញថា មានជំងឺកូវីដ១៩។
ទីភ្នាក់ងារទាំងពីរមិនបានប្រាប់ឈ្មោះមនុស្ស ឬមនុស្សដែលលោក Redfield និងលោក Hahn បានទាក់ទងនោះទេ។ លោកទាំងពីរ គឺជាសមាជិកនៃក្រុមការងាររបស់សេតវិមាន ដែលមានតួនាទីការពារជំងឺកូវីដ១៩ ហើយបានចូលប្រជុំក្នុងពេលថ្មីៗនេះកាលពីថ្ងៃព្រហស្បតិ៍។
អនុលេខាធិការសារព័ត៌មានសេតវិមាន លោក Judd Deere បានបដិសេធមិនបញ្ជាក់ពីរបាយការណ៍ដែលថា លោក Redfield នឹងដាក់ខ្លួននៅដោយឡែកនោះទេ ប៉ុន្តែលោកបាននិយាយថា វេជ្ជបណ្ឌិតសម្រាប់ប្រធានាធិបតី និងមន្ត្រីប្រតិបត្តិការសេតវិមាន នឹងបន្តធ្វើការជិតស្និទ្ធ ដើម្បីធានារាល់ការប្រុងប្រយ័ត្ន ដើម្បីរក្សាសុវត្ថិភាពប្រធានាធិបតី ក្រុមគ្រួសារ និង មនុស្សក្នុងសេតវិមានទាំងមូល៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ