ខេត្តមណ្ឌលគិរី ៖ បើតាមសេចក្តីរាយការណ៍បឋមបានឲ្យដឹងថា សកម្មភាពដឹកជញ្ជូន ឈើខុសច្បាប់យកទៅលក់ឲ្យថៅកែយួននោះ ពេលនេះកំពុងតែកំរើកឡើងវិញហើយ បន្ទាប់ពីច្រករបៀងមួយចំនួនបានបើកលួចលាក់ប៉ុន្មានថ្ងៃនេះ។ ប្រភពបានឲ្យដឹងថា ឈើសុក្រំពេញមួយរថយន្តកែច្នៃ ត្រូវបានសមត្ថកិច្ចបង្ក្រាប…
ខេត្តមណ្ឌលគិរី ៖ បើតាមសេចក្តីរាយការណ៍បឋមបានឲ្យដឹងថា សកម្មភាពដឹកជញ្ជូន ឈើខុសច្បាប់យកទៅលក់ឲ្យថៅកែយួននោះ ពេលនេះកំពុងតែកំរើកឡើងវិញហើយ បន្ទាប់ពីច្រករបៀងមួយចំនួនបានបើកលួចលាក់ប៉ុន្មានថ្ងៃនេះ។
ប្រភពបានឲ្យដឹងថា ឈើសុក្រំពេញមួយរថយន្តកែច្នៃ ត្រូវបានសមត្ថកិច្ចបង្ក្រាប នាវេលាម៉ោងទៀបភ្លឺ នាថ្ងៃទី១០ ខែឧសភា ឆ្នាំ២០២០ នៅចំនុចចំការស្វាយចន្ទី ជិតព្រំប្រទល់ខេត្តក្រចេះ ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា ។
ប្រភពដដែលបន្តថា ឈើទាំងនោះក្រុមឈ្មួញមានបំណងនាំយកទៅឆ្លងដែនតាមច្រករបៀងនៃស្រុកស្នួល ខេត្តក្រចេះ ប៉ុន្តែក៏ត្រូវបែកការណ៍ដល់សមត្ថកិច្ច ក៏ឈានដល់ការបង្ក្រាបបានតែម្តង។
ទោះជាយ៉ាងណា ក្នុងការបង្ក្រាបការរត់ពន្ធឈើឆ្លងដែននេះ សមត្ថកិច្ចមិនបានឃាត់ខ្លួនជនណាម្នាក់ឡើយ។ ចំណែកចំនួនឈើនៅមុនទាន់មានការវាស់វែងនោះដែរ ដោយសារមន្ត្រីជំនាញកំពុងបន្តធ្វើការតាមនីតិវិធី៕ (កែសម្រួលដោយ ៖ បុប្ផា)
ចែករំលែកព័តមាននេះ