វាសនា លោកផ្កាយ២ក្លែងក្លាយ ក្រោយចៅក្រមស៊ើបសួរសម្រេច
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា លោកស្រី ស៊ លីនណា ចៅក្រមស៊ើសួរសាលាដំបូងរាជធានីភ្នំពេញ កាលពីរសៀលថ្ងៃទី៧ ខែឧសភា ឆ្នាំ២០២០…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា លោកស្រី ស៊ លីនណា ចៅក្រមស៊ើសួរសាលាដំបូងរាជធានីភ្នំពេញ កាលពីរសៀលថ្ងៃទី៧ ខែឧសភា ឆ្នាំ២០២០…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា លោកស្រី ស៊ លីនណា ចៅក្រមស៊ើសួរសាលាដំបូងរាជធានីភ្នំពេញ កាលពីរសៀលថ្ងៃទី៧ ខែឧសភា ឆ្នាំ២០២០ បានសម្រេចចេញដីការឃុំខ្លួនជនសង្ស័យម្នាក់ពាក់ផ្កាយ២ក្លែងក្លាយ ដាក់ពន្ធនាគារជាបណ្តោះអាសន្ន ។
សេចក្តីរាយការណ៍បន្តថា ជនសង្ស័យខាងលើឈ្មោះ សេង សុភ័ក្ត្រត្រា ហៅ សេង សុភ័ក្ត្រ ហៅ ឆាយ សុភ័ក្ត្រ ហៅ ឈិន ណារ៉ូ ភេទប្រុស អាយុ៤៧ឆ្នាំ មុខរបរពិតប្រាកដ មានទីលំនៅមុនឃាត់ខ្លួននៅភូមិល្បើក ឃុំត្រពាំង៣ ស្រុកឈូក ខេត្តកំពត ។ ជនសង្ស័យរូបនេះត្រូវបានដាក់ឲ្យស្ថិតនៅក្រោមការពិនិត្យពីបទ.គំរាមកំហែងថានឹងសម្លាប់ ដោយមានបញ្ជាឲ្យបំពេញលក្ខខណ្ឌអ្វីមួយ។
សេចក្តីរាយការណ៍បន្តទៀតថា ការគំរាមកំហែងហែកកេរ្តិ៍ ឆបោក កាន់កាប់ ឬដឹកជញ្ជូនអាវុធដោយគ្មានការអនុញ្ញាត និងប្រើប្រាស់ដោយខុសច្បាប់នូវសំលៀកបំពាក់ជាអាទិ៍ ដែលប្រព្រឹត្តនៅរាជធានីភ្នំពេញ កាលក្នុងអំឡុងខែកញ្ញា ឆ្នាំ២០១៩ ដែលបទល្មើសព្រហ្មទណ្ឌនេះ មានចែងឲ្យផ្តន្ទាទោសតាមបញ្ញាត្តិមាត្រា ២៣៤.មាត្រា ៣៧២ មាត្រា៣៧៧ មាត្រា៣៧៨ មាត្រា៤៩០ និងមាត្រា៦១២ នៃក្រមព្រហ្មទណ្ឌ ។
សូមរំលឹកថា កាលពីរសៀលថ្ងៃទី៥ ខែឧសភា កម្លាំងសមត្ថកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ បានធ្វើការឃាត់ខ្លួន និងបញ្ជូនជនសង្ស័យខាងលើទៅកាន់សាលាដំបូងរាជធានីភ្នំពេញ ដែលជនសង្ស័យរូបនោះជាប់ពាក់ពន្ធក្លែងឯកសណ្ឋាន្នជាមន្ត្រីនគរបាលជាតិ និងពាក់ផ្កាយ២ក្លែងក្លាយ រួចទៅឆបោកអ្នកដទៃលើទឹកប្រាក់ ចំនួន ១០៥០០ ដុល្លារអាមេរិក ដើម្បីយកទៅរត់ការចូលក្របខណ្ឌមន្ត្រីនគរបាលជាតិ រួមទាំងប្រើអំណាចគំរាមកំហែងថានឹងសម្លាប់ ទៀតផង ។
គួររំលឹកបន្តថា ជាមួយនឹងការឃាត់ខ្លួននេះ សមត្ថកិច្ចបានដកហូតសម្ភារៈរួមមាន ៖ ១.ឯក សណ្ឋាននគរបាលជាតិ(ខោអាវមួក) , ២.ស័ក្ត(ផ្កាយ២), ៣.អាវុធខ្លី១ដើម, ៤.បង់កាំភ្លើងខ្លី១, ៥.គ្រាប់កាំភ្លើងខ្លី១១គ្រាប់, ៦.អាឌី១គ្រឿង និង៧.ទូរស័ព្ទដៃ៤គ្រឿង ។
បន្ទាប់មកជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីបើកការស៊ើបសួរតាមនីតិវិធី និងក្រោយពីសាកសួរចប់សព្វគ្រប់ ទើបចៅក្រមសម្រេចឃុំខ្លួនដាក់ពន្ធនាគារជាបណ្តោះអាសន្នផងដែរ ៕ (កែសម្រួលដោយ ៖ បុប្ផា)
ចែករំលែកព័តមាននេះ