រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីថ្ងៃទី៥ ខែឧសភា ឆ្នាំ២០២០ កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ បានធ្វើការឃាត់ខ្លួនបុរសវ័យចំណាស់ម្នាក់ជាអ្នកលក់រថយន្តពាក់ព័ន្ធពីបទ.រំលោភលើទំនុកចិត្ត លើទឹកប្រាក់ប្រមាណ៦៦០០០ដុល្លារអាមេរិក ។…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីថ្ងៃទី៥ ខែឧសភា ឆ្នាំ២០២០ កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ បានធ្វើការឃាត់ខ្លួនបុរសវ័យចំណាស់ម្នាក់ជាអ្នកលក់រថយន្តពាក់ព័ន្ធពីបទ.រំលោភលើទំនុកចិត្ត លើទឹកប្រាក់ប្រមាណ៦៦០០០ដុល្លារអាមេរិក ។
បុរសវ័យចំណាស់ខាងលើនេះឈ្មោះ គុជ ទ្រី អាយុ៦៣ឆ្នាំ មានទីលំនៅផ្ទះលេខ២២៧E0 ផ្លូវលេខ១៨២ សង្លាត់ទឹកល្អក់១ ខណ្ឌទួលគោក រាជធានីភ្នំពេ ញ ។ ទាក់ទិននឹងការឃាត់ខ្លួនជនសង្ស័យខាងលើនេះដែរត្រូវបានប្រភពព័ត៌មានឲ្យដឹងថា ដើមបណ្តឹងក្នុងសំណុំរឿងនេះមានឈ្មោះ ឈៀង ភាវ ភេទស្រី អាយុ៦៣ឆ្នាំ មុខរបរលក់ដូរ ស្នាក់នៅផ្ទះគ្មានលេខ សង្កាត់កន្ទោក ខណ្ឌកំបូល រាជធានីភ្នំពេញ ។
យោងតាមពាក្យបណ្តឹងបានបញ្ជាក់ថា កាលពីថ្ងៃទី១៥ ខែតុលា ឆ្នាំ២០១៩ ជនរងគ្រោះបានទិញរថយន្តមួយគ្រឿងម៉ាកឡង់គ្រីស្ស័រ៤៧០ ពណ៌ខ្មៅ ស៊េរីឆ្នាំ២០១០ ពាក់ស្លាក់លេខ ភ្នំពេញ ២U-៦៣៦៣ ពីឈ្មោះ គុជ ទ្រី ក្នុងតម្លៃ៦៦០០០ដុល្លាអាមេរិក ។
យោងតាមពាក្យបណ្តឹងបានឱ្យដឹងបន្តថា នៅពេលទិញរថយន្តរួច ជនរងគ្រោះមិនបានចាប់អារម្មណ៍រកប័ណ្ណសំគាល់យានយន្តពីឈ្មោះ គុជ ទ្រី ភ្លាមទេ ខណៈពេលបើកចេញបានប្រហែល៣គីឡូម៉ែត្រក៏បានត្រឡប់ទៅយកវិញ ដើម្បីយកប័ណ្ណសំគាល់យានយន្តហៅថា(កាតគ្រី)ពីអ្នកលក់ ។ ពេលនោះឈ្មោះ គុជ ទ្រី បានប្រាប់ដើមបណ្តឹងថា ចាំមួយសប្តាហ៍ទៀតចាំមកយកកាតគ្រីនោះ ។ (បើតាមគេបង្ហើបឲ្យដឹងថា កាតគ្រីរថយន្តនោះត្រូវម្ចាស់ឈ្មោះ គុជ ទ្រី យកទៅដាក់បញ្ចាំនៅក្រុមមួយបាត់ទៅហើយ ដែលពេលនេះលុយលក់រថយន្តនោះត្រូវការចាយវាយអស់ ទើបជាខកខានមិនអាចទៅយកកាតគ្រីនោះឲ្យដើមបណ្តឹងវិញបាន ។
ដោយសារករណីដូចបានរៀបរាប់ខាងលើនេះ ទើបជនរងគ្រោះចេះតែតាមសួរ ដើម្បីយកប័ណ្ណសំគាល់យានយន្តរហូតដែរ ប៉ុន្តែជនសង្ស័យរកកល់ដោះសារ រហូតដល់ថ្ងៃកំណត់បានបិទទូរស័ព្ទមិនអាចទាក់ទងបាន ទើបជនរងគ្រោះសម្រេចចិត្តដាក់ពាក្យបណ្តឹងទៅសមត្ថកិច្ចឲ្យជួយចាត់ការតាមផ្លូវច្បាប់ ។
ដូច្នោះជនសង្ស័យប្រឈមនឹងការនាំខ្លួនឡើងទៅតុលាការ ដើម្បីបើកការស៊ើបសួរលើបណ្តឹង.រំលោភលើទំនុកចិត្ត.តាមរូបភាពលក់រថយន្តយកលុយគ្រប់ចំនួនហើយ មិនប្រគល់ប័ណ្ណសំគាល់យានយន្តឲ្យទៅអ្នកទិញ ដែលអ្នកទិញត្រូវការទារប្រាក់គ្រប់ចំនួន ៦៦ ០០០ដុល្លារអាមេរិកវិញ ៕ (កែសម្រួលដោយ ៖ ធីតា)
ចែករំលែកព័តមាននេះ