ប្រទេសឥណ្ឌា ៖ យោងតាមតុល្យការមួយដែលនៅបណ្ដោះអាសន្ននៅឡើយថា ការធ្លាយឧស្ម័នក្នុងរោងចក្រគីមីមួយនៅភាគអាគ្នេយ៍ឥណ្ឌា កាលពីថ្ងៃទី៧ ខែឧសភា ឆ្នាំ២០២០ បណ្ដាលឲ្យបាត់បង់ជីវិតមនុស្សយ៉ាងតិច៧នាក់ និងបណ្ដាលឲ្យមនុស្សដល់ទៅប្រមាណជា១.០០០នាក់បញ្ជូនទៅមន្ទីរពេទ្យ ដោយគ្រោះថ្នាក់នោះមានទិដ្ឋភាពសែនទារុណ…
ប្រទេសឥណ្ឌា ៖ យោងតាមតុល្យការមួយដែលនៅបណ្ដោះអាសន្ននៅឡើយថា ការធ្លាយឧស្ម័នក្នុងរោងចក្រគីមីមួយនៅភាគអាគ្នេយ៍ឥណ្ឌា កាលពីថ្ងៃទី៧ ខែឧសភា ឆ្នាំ២០២០ បណ្ដាលឲ្យបាត់បង់ជីវិតមនុស្សយ៉ាងតិច៧នាក់ និងបណ្ដាលឲ្យមនុស្សដល់ទៅប្រមាណជា១.០០០នាក់បញ្ជូនទៅមន្ទីរពេទ្យ ដោយគ្រោះថ្នាក់នោះមានទិដ្ឋភាពសែនទារុណ ព្រោះមនុស្សម្នាដ៏ច្រើនដួលដេកសន្លប់បាត់ស្មារតីនៅតាមដងវិថី។
ការធ្លាយឧស្ម័ននោះកើតមានកាលពីពេលយប់ ក្នុងរោងចក្រគីមីមួយជារបស់ក្រុមហ៊ុនLG POLYMERS ជាសាខានៅឥណ្ឌារបស់ក្រុមហ៊ុនកូរ៉េខាងត្បូងLG CHEMICALSមានទីតាំងនៅជាយក្រុងឧស្សាហកម្មនិងកំពង់ផែវីសាខាប៉ាតណាម ក្នុងរដ្ឋអានដ្រាប្រាដេស្ត។ បណ្ដារូបភាពបង្ហាញសាកសពមនុស្សឬសត្វ នៅរាយប៉ាយតាមដងវិថីមួយឬនៅចិញ្ចើមថ្នល់។
វីដេអូមួយចំនួនបង្ហាញបណ្ដាមនុស្សពុលកំពុងក្អកនិងក្អួតនៅលើដី។ គ្រោះថ្នាក់នេះកើតមាននាវេលាម៉ោង៣និង៣០នាទីទៀបភ្លឹ ម៉ោងក្នុងស្រុក បណ្ដាលឲ្យប្រជាជនផ្អើលជ្រួយច្របល់ ហើយអាជ្ញាធរបានជម្លៀសមនុស្សចេញរវាងពី៣.០០០ទៅ៤.០០០នាក់ ពីបណ្ដាភូមិស្ថិតនៅក្នុងរង្វង់ពី១ទី១,៥គីឡូម៉ែត្រជុំវិញរោងចក្រ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ