ខេត្តបន្ទាយមានជ័យ ៖ លំនៅឋានចំនួន៧ខ្នងបានរងការបំផ្លាញ ខណៈមានភ្លៀងលាយឡំដោយខ្យល់កន្ត្រាក់ប៉ះពាល់២ស្រុកដែលមានភូមិសាស្ត្រជាប់គ្នា កាលល្ងាចថ្ងៃទី៦ ខែឧសភា ឆ្នាំ២០២០ គឺស្រុកស្វាយចេក និងស្រុកភ្នំស្រុក ។…
ខេត្តបន្ទាយមានជ័យ ៖ លំនៅឋានចំនួន៧ខ្នងបានរងការបំផ្លាញ ខណៈមានភ្លៀងលាយឡំដោយខ្យល់កន្ត្រាក់ប៉ះពាល់២ស្រុកដែលមានភូមិសាស្ត្រជាប់គ្នា កាលល្ងាចថ្ងៃទី៦ ខែឧសភា ឆ្នាំ២០២០ គឺស្រុកស្វាយចេក និងស្រុកភ្នំស្រុក ។
លោកវរសេនីយ៍ឯក ជា ស្លូញ អធិការនគរបាលស្រុកស្វាយចេក ថ្លែងថា នៅពេលមានភ្លៀង
លាយឡំដោយខ្យល់កន្ត្រាក់នេះ បានប៉ះពាល់ឃុំទ្រាស ស្រុកស្វាយចេក ខូចខាតផ្ទះ៦ខ្នង ខ្លះប៉ើងដំបូល និងខ្លះបាក់ ។
ចំណែកលោក យឹម សំណាង អភិបាលស្រុកភ្នំស្រុក ថ្លែងថា ភ្លៀងលាយឡំដោយខ្យល់កន្ត្រាក់
បានប៉ះពាល់ឃុំពន្លៃ ដែលស្ថិតនៅជាប់ស្រុកស្វាយចេក បណ្តាលឲ្យខូចខាតផ្ទះ១ខ្នងដោយប៉ើងដំបូលអស់ទាំងស្រុង តែមិនមានគ្រោះថ្នាក់ដល់មនុស្សទេ ។
គួររំឭកថា នៅខេត្តបន្ទាយមានជ័យ នាដើមឆ្នាំ២០២០នេះ បានរងគ្រោះដោយសារខ្យល់កន្ត្រាក់ជាច្រើនលើក បណ្តាលឱ្យខូចខាតផ្ទះសម្បែងជាច្រើនរយខ្នង និងមានករណីរន្ទះបាញ់បណ្តាលឱ្យបាត់បង់ជីវិត និងរបួសផងដែរ ៕ (កែសម្រួលដោយ ៖ បុប្ផា)
ចែករំលែកព័តមាននេះ