អ្នកនាំពាក្យរបស់ប្រធានាធិបតីប្រេស៊ីល មានផ្ទុកកូវីដ១៩
ប្រទេសប្រេស៊ីល ៖ តាមប្រភពព័ត៌មាន CNN បានឱ្យដឹងថា ឧត្តមសេនីយ៍ឯក Otávio Santana do Rêgo…
ប្រទេសប្រេស៊ីល ៖ តាមប្រភពព័ត៌មាន CNN បានឱ្យដឹងថា ឧត្តមសេនីយ៍ឯក Otávio Santana do Rêgo…
ប្រទេសប្រេស៊ីល ៖ តាមប្រភពព័ត៌មាន CNN បានឱ្យដឹងថា ឧត្តមសេនីយ៍ឯក Otávio Santana do Rêgo Barros ដែលជាអ្នកនាំពាក្យផ្លូវការរបស់ប្រធានាធិបតីប្រេស៊ីល លោក Jair Bolsonaro ត្រូវបានគេរកឃើញថា មានផ្ទុកជំងឺកូវីដ១៩ ក្រោយពីបានធ្វើតេស្តវិជ្ជមាន។
យោងតាមសេចក្តីថ្លែងការណ៍បានឱ្យដឹងថា លោក Rêgo Barros បានធ្វើតេស្តវិជ្ជមាន ដែលបញ្ជាក់ថា មានជំងឺកូវីដ១៩ កាលពីថ្ងៃច័ន្ទ។ ក្រុមការងាររបស់គាត់បាននិយាយថា លទ្ធផលត្រូវបានបញ្ជាក់កាលពីថ្ងៃអង្គារ៍ ហើយបានបញ្ជាក់ថា នាពេលនេះ លោកកំពុងតែសម្រាកនៅផ្ទះ និងបានវិវត្តន៍ទៅរកភាពប្រសើរឡើងវិញ។
យោងតាមសេចក្តីថ្លែងការណ៍ គាត់មិនបានបង្ហាញពីរោគសញ្ញាណាមួយដែលគួរព្រួយបារម្ភនោះទេ។
គួរបញ្ជាក់ផងដែរថា ប្រទេសប្រេស៊ីល នៅពេលនេះមានករណីឆ្លងកូវីដ១៩ សរុប ១២៥,២១៨ករណី ករណីឆ្លងថ្មី ១០,៥០៣ករណី ករណីបាត់បង់ជីវិតសរុប ៨,៥៣៦ករណី ករណីបាត់បង់ជីវិតថ្មី ៦១៥ករណី និងករណីជាសរុប ៤៨,២២១ករណី៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ