រាជធានីភ្នំពេញ៖ លោក ឡូវ នីកូវឌ្ឍនា ប្រធានអង្គភាពផ្តល់បណ្ណ័បើកបរ និងសុវត្ថិភាពចរាចរណ៏ផ្លូវគោក នៃមន្ទីរសាធារណការនិងដឹកជញ្ជូនរាជធានីភ្នំពេញបានឲ្យដឹងថា ក្នុងរយៈពេល២ថ្ងៃ គឺថ្ងៃចន្ទ និងថ្ងៃអង្គារកន្លងមកនេះ…
រាជធានីភ្នំពេញ៖ លោក ឡូវ នីកូវឌ្ឍនា ប្រធានអង្គភាពផ្តល់បណ្ណ័បើកបរ និងសុវត្ថិភាពចរាចរណ៏ផ្លូវគោក នៃមន្ទីរសាធារណការនិងដឹកជញ្ជូនរាជធានីភ្នំពេញបានឲ្យដឹងថា ក្នុងរយៈពេល២ថ្ងៃ គឺថ្ងៃចន្ទ និងថ្ងៃអង្គារកន្លងមកនេះ ប្រជាពលរដ្ឋ ដែលជាអ្នករត់ម៉ូតូកង់បីឬតុតុ និងម៉ូតូធំបាននាំគ្នាសម្រុកទៅដាក់ពាក្យ និងប្រឡងយកប័ណ្ណបើកបរនៅអង្គភាពផ្តល់បណ្ណ័បេីកបរប្រមាណជាង២៥០០នាក់ ប៉ុន្តែការរៀបចំប្រឡងបន្ទប់អាចទទួលបានតែពី១៦០ទៅ១៨០នាក់ប៉ុណ្ណោះ ។ លោកបន្តថា ជាក់ស្ដែង រយៈពេល២ថ្ងៃក្រុមអ្នកម៉ូតូកង់បី និងម៉ូតូធំ បានប្រឡងយកបណ្ណ័បេីកបរចំនួន២៨០នាក់ ប្រឡងជាប់១២៤នាក់ និងប្រឡងធ្លាក់ចំនួន១៥៨នាក់ ។
លោក ឡូវ នីកូវឌ្ឍនា បានអោយដឹងទៀតថា ទោះបីចំនួនអ្នកដាក់ពាក្យប្រឡង មានចំនួនច្រេីន និងការប្រឡងជាក់ស្តែងមានកំណត់ក្តី ប៉ុន្តែក្រុមការងារនៅតែបន្តទទួលពាក្យ ដេីម្បីរៀបចំការប្រឡងទៅតាមលេខរៀងជាបន្តបន្ទាប់រហូតដល់អស់ ។ លោកបន្តថា សម្រាប់លក្ខខណ្ឌ ក្នុងការប្រឡង បេក្ខជន
ត្រូវមានអត្តសញ្ញាណបណ្ណ័ជនជាតិខ្មែរ លិខិតបញ្ជាក់កាយសម្បទាឬសុខភាពមួយសន្លឹក រូបថត សខ្មៅ៤x៦ចំនួន៤សន្លឹក និងត្រូវបង់តម្លៃចំនួន៤១០០០រៀលគឺបង់តាមរយ:ប្រពន្ធ័វីង ។
លោក ឡូវ នីកូវឌ្ឍនា បានបញ្ជាក់ថា ចំពោះការប្រឡងយកបណ្ណ័បេីកបរ គឺធ្វេីនៅអង្គភាព ផ្តល់បណ្ណ័បេីកបរនៃមន្ទីរសាធារណការនិងដឹកជញ្ជូនរាជធានីភ្នំពេញ ប៉ុន្តែសម្រាប់ការពន្យារប័ណ្ណដែលអស់សុពលភាព គឺមានធ្វេីនៅផ្សារទំនើបAEON MALLទី១ និងនៅផ្សារទំនើបAEON MALLទី២ តែការប្រឡង គឺមានតែនៅអង្គភាពផ្តល់បណ្ណ័បេីកបរនោះទេ ។
លោក ឡូវ នីកូវឌ្ឍនា ប្រធានអង្គភាពផ្តល់បណ្ណ័បើកបរ និងសុវត្ថិភាពចរាចរណ៏ផ្លូវគោក នៃមន្ទីរសាធារណការនិងដឹកជញ្ជូនរាជធានីភ្នំពេញ បានអំពាវនាវ ដល់ប្រជាពលរដ្ឋទាំងអស់សូមទៅធ្វេីជាមួយមន្ត្រីនៅទីនោះផ្ទាល់ដែលមានតារាងតម្លៃត្រឹមត្រូវ និងច្បាស់លាស់ ចៀសវាងមានអ្នករត់ការដែលដំឡើងតម្លៃកេងចំណេញ ដែលបង្កអោយប្រជាពលរដ្ឋមានការថ្នាំងថ្នាក់៕ (កែសម្រួលដោយ ៖ ធីតា)
ចែករំលែកព័តមាននេះ