តើមេរោគកូវីដ អាចរស់នៅលើលុយបានរយៈពេលប៉ុន្មាន ? ការសិក្សាស្រាវជ្រាវ មួយរបស់សកលវិទ្យាល័យហុងកុង បានបង្ហាញថា វាអាចរស់នៅលើលុយបានចំនួនយ៉ាងតិចពីរថ្ងៃ ។
ការស្រាវជ្រាវនោះនិយាយថា មេរោគកូវីដ រស់នៅលើលុយបានពីរថ្ងៃ ហើយវានឹងងាប់អស់រលីងនៅត្រឹមរយៈពេលបួនថ្ងៃ ។
ព័ត៌មាននេះអាចនឹងជំរុញអោយមានការប្រយ័ត្នប្រយែងបន្ថែមទៀត ទាក់ទងនឹងការកាន់លុយ ។ វាក៏អាចជាការជំរុញអោយមានការទូទាត់តាមទូរស័ព្ទដោយមិនបាច់ប្រើក្រដាសប្រាក់ផងដែរ ។
មេរោគកូវីដ១៩ ក៏អាចទុំនៅលើម៉ាសមុខបានរហូតដល់មួយសប្តាហ៍ ។ នេះបើតាមស្រាវជ្រាវរបស់អ្នកស្រាវជ្រាវមកពីសាកលវិទ្យាល័យហុងកុង (HKU) ។
ដូច្នេះវាសំខាន់ណាស់ដែលថា ប្រសិនបើអ្នកពាក់ម៉ាស អ្នកមិនត្រូវប៉ះរបាំងខាងក្រៅទេ ។ ម៉ាសដែលពាក់ហើយគួរឆាប់យកទៅបោះចោលក្នុងធុងសំរាម ដើម្បីចៀសវាងការចម្លងមេរោគកូវីដ១៩ ។
របាយការណ៍នេះត្រូវបានចុះផ្សាយក្នុងទស្សនាវដ្តីវេជ្ជសាស្ត្រ The Lancet ៕
ចែករំលែកព័តមាននេះ