ខេត្តរតនគិរី ៖ លំនៅឋានមួយបានក្លាយជាចំណីព្រះអគ្គីលេបត្របាក់អស់ទាំងស្រុង ថែមទាំងឆក់យកអាយុជីវិតក្មេងពីរនាក់ ជាកូនប្រុស-ស្រីរបស់ម្ចាស់ផ្ទះយ៉ាងអាណោចអាធម័ទៀតផង តែក្នុងមួយប៉ព្រិចភ្នែក ។គ្រោះអគ្គិភ័យលេបត្របាក់លំនៅឋាន និងស្លាប់ក្មេងពីរនាក់ផងនោះ បានកើតឡើងនៅវេលាម៉ោង២១និង៣០នាទី ថ្ងៃទី៤…
ខេត្តរតនគិរី ៖ លំនៅឋានមួយបានក្លាយជាចំណីព្រះអគ្គីលេបត្របាក់អស់ទាំងស្រុង ថែមទាំងឆក់យកអាយុជីវិតក្មេងពីរនាក់ ជាកូនប្រុស-ស្រីរបស់ម្ចាស់ផ្ទះយ៉ាងអាណោចអាធម័ទៀតផង តែក្នុងមួយប៉ព្រិចភ្នែក ។
គ្រោះអគ្គិភ័យលេបត្របាក់លំនៅឋាន និងស្លាប់ក្មេងពីរនាក់ផងនោះ បានកើតឡើងនៅវេលាម៉ោង២១និង៣០នាទី ថ្ងៃទី៤ ខែមេសា ឆ្នាំង២០២០ នៅក្នុងភូមិរំយោល ឃុំអូរជុំ ស្រុកអូរជុំ ខេត្តរតនគិរី ។
តាមប្រភពពីសមត្ថកិច្ចបានឱ្យដឹងថា ក្មេងតូចពីរនាក់ដែលស្លាប់ក្នុងអណ្ដាតភ្លើង គឺកូនបងភេទស្រី អាយុ៤ឆ្នាំ និងកូនប្អូនភេទប្រុស អាយុ២ឆ្នាំ ។ ម្ចាស់ផ្ទះត្រូវភ្លើងឆេះនោះឈ្មោះ ជីន សុជាតិ ភេទស្រី អាយុ២៧ឆ្នាំ ជនជាតិទំពួន រស់នៅភូមិអូរជុំ ឃុំអូរជុំ ស្រុកអូរជុំ ខេត្តរតនគិរី ឯប្តីមិនបានស្គាល់ឈ្មោះនៅឡើយ ។
សមត្ថកិច្ចបានប្រាប់ថា ការឆេះនេះ បណ្តាលមកពីផ្ទះគាត់ប្រកបរបរលក់សាំងដប ខណៈនោះមានម៉ូយមកចាក់សាំង ស្ត្រីជាម្ដាយឱ្យកូនបំភ្លឺ ស្រាប់តែយកភ្លើងទៀនមកបំភ្លឺ ស្រាប់តែឆាបឆេះសន្ធោសន្ធៅតែម្តង ។ ក្នុងពេលនោះ ក៏មានអន្តរាគមន៍ពីសមត្ថកិច្ច ដោយប្រើរថយន្តពន្លត់អស់ចំនួនបីគ្រឿងផងដែរ ។
ក្រោយមានហេតុការណ៍កើតឡើង នៅព្រឹកថ្ងៃទី៥ ខែឧសភា ឆ្នាំ២០២០ អនុសាខាកាកបាទក្រហមកម្ពុជាស្រុកអូរជុំ ដឹកនាំដោយលោក ធូ ឃឿ អភិបាលស្រុក ជាប្រធានប្រតិបត្តិអនុសាខាកាកបាទក្រហមស្រុកអូរជុំ បាននាំយកថវិកាចំនួន៥០០.០០០រៀល និងអង្ករ៥០គីឡូក្រាម រួមទាំងគ្រឿងឧបភោគបរិភោគមួយចំនួនផងដែរ បានជួយឧបត្ថមដល់ក្រុមគ្រួសារជនរងគ្រោះ ធ្វើបុណ្យសពបងប្អូនកូនក្មេងពីរនាក់ ដែលបានស្លាប់ដោយសារភ្លើងឆេះផ្ទះនោះទៀតផងដែរ ៕
ចែករំលែកព័តមាននេះ