រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា អតីតតារាចម្រៀងប្រចាំផលិតកម្មរ៉ុក អ្នកនាង ម៉ូលីកា ក្រោយពេលរៀបការបានប៉ុន្មានខែមក ទទួលបានដំណក់ឈាមកូនស្រី១ ត្រៀមទទួលនាពេលប៉ុន្មានខែខាងមុខនេះ។ នាងត្រូវបានស្វាមី…
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា អតីតតារាចម្រៀងប្រចាំផលិតកម្មរ៉ុក អ្នកនាង ម៉ូលីកា ក្រោយពេលរៀបការបានប៉ុន្មានខែមក ទទួលបានដំណក់ឈាមកូនស្រី១ ត្រៀមទទួលនាពេលប៉ុន្មានខែខាងមុខនេះ។ នាងត្រូវបានស្វាមី ដ៏សង្ហាររបស់នាងស្រឡាញ់ថ្នាក់ថ្នម ហើយបានបង្អួតសម្រស់ពពោះ ដាក់គេឯងយ៉ាងគួរឱ្យទាក់ទាញ។
ក្រោយពេលឈប់បម្រើសិល្បៈ អ្នកនាង ម៉ូលីកា បានងាកទៅរកស៊ីខាងជំនួញឡេ ប្រកបដោយជោគជ័យ។ ម៉ូលីកា បានឲ្យដឹងថា ពេលនេះសុខភាពរបស់នាងល្អប្រសើរទេ ទោះជាពពោះកូនដំបូងក្ដី ប៉ុន្ដែនាងបានទៅពិនិត្យផ្ទៃពោះទៀងទាត់នៅមន្ទីរពេទ្យ អ៊ីចឹងហើយអត់មានបញ្ហាបារម្ភច្រើនឡើយ។ ដោយឡែកអាជីវកម្មរបស់នាងហាងនៅដំណើរការជាធម្មតា ហើយនាងផ្ទាល់ក៏នៅលក់ដូរដូចមុនដែរ តែបានកូនចៅជួយច្រើនពេលនាងមានផ្ទៃពោះនេះ។
ទាក់ទងការត្រៀមសម្រាលកូនវិញ ម៉ូលីកា បានឲ្យដឹងថា នាងនឹងមិនទៅសម្រាលនៅមន្ទីរពេទ្យក្រៅស្រុកនោះទេ គឺជ្រើសរើសមន្ទីរពេទ្យក្នុងស្រុក ព្រោះមិនចង់ទៅឆ្ងាយដោយសារតែកូវីដ១៩ នៅមិនទាន់ស្ងាត់។ នាងថា ពេលនេះកូនស្រីក្នុងផ្ទៃរបស់នាងមានសុខភាពល្អប្រសើរ ហើយគេមានអាយុជាង៦ខែហើយ។
ម៉ូលីកា ក៏បានបង្ហាញរូបភាពពោះធំ ហើយនាងត្រូវបានស្វាមីលោកហុង មានុណ ហៅឆានុន ស្រលាញ់ថ្នាក់ថ្នមនាងយ៉ាងមានក្ដីសុខខ្លាំងណាស់ ដូចជា លោកឆានុន បានអោបថើបផ្ទៃពោះរបស់នាង ក៏ដូចជាបានថើបកូនស្រីផ្ទាល់ផងដែរ។ ទោះជាយ៉ាងណា នាងមិនទាន់ប្រាប់ថា មន្ទីរពេទ្យក្នុងស្រុកមួយណាដែលនាងនឹងជ្រើសរើសសម្រាប់កូនទី១នេះឡើយ តែតាមគម្រោងនាងអាចសម្រាលនៅចុងខែកក្កដា ឬដើមខែសីហា ខាងមុខនេះហើយ។
គួររំលឹកថា ម៉ូលីកា អតីតតារាចម្រៀងផលិតកម្ម Rock បានរៀបការជាមួយតារាសម្ដែងហុង មានុណ កាលពីថ្ងៃទី១៨ ខែមករា ឆ្នាំ២០២០ បន្ទាប់ពីអ្នកទាំងពីរបានសាងស្នេហាជាមួយគ្នាជាង៣ឆ្នាំមក។ គូស្នេហ៍តារា១គូនេះ រកស៊ីមានជីវភាពធូរធាខ្លាំងនៅរយៈពេលចុងក្រោយនេះ តាំងពីពួកគេបានចាប់ដៃគ្នាមកពេលនេះមានផ្ទះ, ហាង និងជិះរថយន្ដទំនើបៗទៀតផង។ (កែសម្រួលដោយ ៖ បុប្ផា)
ចែករំលែកព័តមាននេះ