ចិនបា.ញ់បង្ហោះកាំជ្រួចយក្ស បញ្ជូនយានអវកាស ទៅកាន់ទីអវកាស
ប្រទេសចិន ៖ យោងតាមស៊ីនហួថា ប្រទេសចិន កាលពីថ្ងៃទី៥ ខែឧសភា ឆ្នាំ ២០២០ បានបាញ់កាំជ្រួចយក្ស LONGUE…
ប្រទេសចិន ៖ យោងតាមស៊ីនហួថា ប្រទេសចិន កាលពីថ្ងៃទី៥ ខែឧសភា ឆ្នាំ ២០២០ បានបាញ់កាំជ្រួចយក្ស LONGUE MARCHE -5B ដែលបញ្ជូនទៅកាន់ទីអវកាស នូវយានអវកាសអាចដាក់មនុស្សជំនាន់ថ្មីមួយ និងយានអវកាសសម្រាប់ដឹកជញ្ជូនអាចវិលត្រឡប់មកវិញធ្វើតេស្តសាកល្បងមួយ។
ការបាញ់បង្ហោះប្រកបដោយជោគជ័យនោះ ជាដំណាក់កាលទី៣ នៃកម្មវិធីអវកាសមានមនុស្សជិះរបស់ចិន ដែលគ្រោងបង្កើតស្ថានីយអវកាសមួយ។ នេះជាការអះអាងរបស់ទីភ្នាក់ងារហោះហើរអវកាសបញ្ជូនមនុស្សទៅរបស់ចិន CMSA។
កាំជ្រួចយក្សពណ៌សនោះបានហោះចេញពីមជ្ឈមណ្ឌលបាញ់កាំជ្រួចអវកាសវេនចាង នៅតំបន់ឆ្នេរសមុទ្រនៃខេត្តកោះហៃណាន នាវេលាម៉ោង១៨ម៉ោងក្នុងស្រុក។ ប្រមាណជា៤៨៨វិនាទីក្រោយមក យានអវកាសដែលអាចដាក់មនុស្សសម្រាប់ពិសោធន៍ែពុំទាន់ដាក់មនុស្សនិងយានដឹកជញ្ជូនអាចវិលត្រឡប់វិញ បានបំបែកចេញពីកាំជ្រួចហើយចូលក្នុងតារាវិថីដែលបានគ្រោងទុក។
ផលិតជាពិសេសសម្រាប់កម្មវិធីអវកាសមានមនុស្សជិះរបស់ចិន កាំជ្រួចLONGUE MARCHE -5B នឹងប្រើប្រាស់ជាពិសេសសម្រាប់បាញ់បញ្ជូនបណ្ដាឧបករណ៍បង្កើតស្ថានីយអវកាសមួយ។ កាំជ្រួចនេះមានប្រវែងដល់ទៅ៥៣,៧ម៉ែត្រ ដែលស្មើនឹងកម្ពស់អគារ១៨ជាន់មួយ។ វាមានជាន់កណ្ដាលមួយមានវិជ្ជមាត្រដល់៥ម៉ែត្រ៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ