ពេលដែលមានគ្រោះភ័យកើតមានឡើង ជាទូទៅមនុស្សភាគច្រើនតែងតែចាប់ផ្តើមចលាចល ប៉ុន្តែពេលដែលគ្រោះទាំងនោះត្រូវបានរំលងផុតហើយ ឱកាសថ្មីៗនឹងកើតមានឡើង ។ ឱកាសទាំងនោះអាចជាឱកាសអាជីវកម្មដូចជាទីផ្សារថ្មីៗ ឬការផ្លាស់ប្តូរនៃអាកប្បកិរិយារបស់អតិថិជនជាដើម ។
ប្រសិនបើអ្នកជាអាជីវករដែលមានបទពិសោធន៍ ពេលនេះអាចជាពេលល្អក្នុងការបង្កើនតម្លៃខ្លួនដោយជួយអ្នកដទៃឆ្លងផុតកូវីដ ១៩ តាមវិធីសាស្ត្រខាងក្រោម ៖
១. ផ្តល់ដំបូន្មានច្បាស់លាស់
ការផ្តល់អាទិភាពលើសុខភាពជាដំបូន្មានល្អហើយ ប៉ុន្តែក្នុងករណីខ្លះ អ្នកដទៃចង់ស្តាប់នូវដំបូន្មានដែលអាចជួយពួកគេក្នុងកាលៈទេសៈណាមួយដូចជាពេលដែលអតិថិជនជៀសវាងកន្លែងមានមនុស្សច្រើនព្រោះតែកូវីដ ១៩ ជាដើម ។
ដំបូន្មានដែលល្អបំផុតក្នុងកំឡុងពេលនេះរួមមានគំនិតអាជីវកម្មថ្មីៗដែលអាចនឹងមានសក្តានុពលបន្ទាប់ពីការផ្ទុះជំងឺកូវីដ ១៩ និងដំបូន្មានក្នុងការជួយអាជីវករដទៃឲ្យផ្លាស់ប្តូរការប្រកបអាជីវកម្មជាដើម ។
២. រក្សាភាពស្មោះត្រង់
មនុស្សចូលចិត្តភាពស្មោះត្រង់ មិនមែនមនុស្សម្នាក់ដែលល្អឥតខ្ចោះទាំងស្រុងទេ ។ មនុស្សជាច្រើនត្រូវការជំនួយក្នុងកំឡុងពេលនេះប៉ុន្តែពួកគេមិនមានភាពក្លាហានក្នុងការទាក់ទងមកអ្នក ។ ដោយហេតុដូចនេះ អ្នកគួរតែទាក់ទងទៅពួកគេមុនខ្លះដែរ ។ ការធ្វើដូច្នេះមិនត្រឹមតែល្អក្នុងការកសាងទំនាក់ទំនងទេ តែរឿងដែលត្រឹមត្រូវក្នុងការជួយគ្នាទៅវិញទៅមកពេលដែលមានអាសន្នដែរ ។
៣. ផ្សព្វផ្សាយពីឈ្មោះរបស់អ្នកអនឡាញ
បុគ្គលដែលជោគជ័យមានមនុស្សដែលស្អប់ពួកគេច្រើនប្រហាក់ប្រហែលនឹងមនុស្សដែលចូលចិត្តពួកគេដែរ ។ បើអ្នកតាមដានមើលបុគ្គលិកជោគជ័យចែករំលែកអ្វីមួយលើប្រព័ន្ធសង្គម អ្នកនឹងមើលឃើញថាតែងតែមានក្រុមមនុស្សដែលចាំរិះគន់ និងជេរប្រមាថគ្រប់ពេលវេលា ។
ប៉ុន្តែតម្លៃខ្លួនអ្នកមិនអាចកើនឡើងទេប្រសិនបើអ្នកមិនផ្សព្វផ្សាយពីខ្លួនឯងឲ្យបានច្រើនដូចជាការចែករំលែមតិយោបល់ និងការជួយដល់សហគមន៍ខ្លួនឲ្យឆ្លងផុតកូវីដ ១៩ ជាដើម ៕
ចែករំលែកព័តមាននេះ