កូវីដ១៩ កំពុងបង្កបញ្ហាឱ្យមហាសមុទ្រ
តាមប្រភពព័ត៌មាន CNN បានឱ្យដឹងថា ខណៈដែលកូវីដ១៩ កំពុងតែធ្វើបាបមនុស្សលើពិភព លោក ពេលនេះវាក៏ធ្វើឱ្យមានបញ្ហាដល់មហាសមុទ្រដែរ ដោយសារតែបញ្ហាសំណល់ប្លាស្ទិក។ ម៉ាស់ការពារ ស្រោមដៃ…
តាមប្រភពព័ត៌មាន CNN បានឱ្យដឹងថា ខណៈដែលកូវីដ១៩ កំពុងតែធ្វើបាបមនុស្សលើពិភព លោក ពេលនេះវាក៏ធ្វើឱ្យមានបញ្ហាដល់មហាសមុទ្រដែរ ដោយសារតែបញ្ហាសំណល់ប្លាស្ទិក។ ម៉ាស់ការពារ ស្រោមដៃ…
តាមប្រភពព័ត៌មាន CNN បានឱ្យដឹងថា ខណៈដែលកូវីដ១៩ កំពុងតែធ្វើបាបមនុស្សលើពិភព លោក ពេលនេះវាក៏ធ្វើឱ្យមានបញ្ហាដល់មហាសមុទ្រដែរ ដោយសារតែបញ្ហាសំណល់ប្លាស្ទិក។
ម៉ាស់ការពារ ស្រោមដៃ និងសម្លៀកបំពាក់ការពារ ដែលមនុស្សប្រើប្រាស់ការពារពីការឆ្លងជំងឺកូវីដ១៩ ត្រូវបានគេឃើញថា ជាកត្តាជម្រុញឱ្យមានការផលិតប្លាស្ទិកជាច្រើន ដែលជាតម្រូវការចាំបាច់ពីសំណាក់រដ្ឋាភិបាលក្នុងការផ្គត់ផ្គង់ឱ្យប្រជាជនក៏ដូចជាពេទ្យ។
ផលិតកម្មបែបនេះ គឺចាំបាច់។ ប៉ុន្តែប្លាស្ទិកទាំងអស់ត្រូវបានបញ្ចប់នៅកន្លែងណាមួយ ហើយអ្នកធ្វើយុទ្ធនាការបរិស្ថានបារម្ភថា វាគ្រាន់តែចំណុចតូចមួយនៃបញ្ហាធំប៉ុណ្ណោះ។ នេះដោយសារតែវាធ្វើឱ្យមានការកើនឡើងនូវសំណល់ប្លាស្ទិក ដែលគ្រប់គ្នាកន្លងមកបានព្យាយាមកាត់បន្ថយការប្រើប្រាស់។
បញ្ហានេះ វាកើតឡើងរាប់តាំងពីការបោះចោលស្រោមដៃកៅស៊ូ និង ម៉ាស់ជាច្រើនសន្ធឹកសន្ធាប់ក្រោយពីប្រើប្រាស់រួច។ នេះនៅមានសម្លៀកបំពាក់ការពារ ដែលពាក់ដោយក្រុមអ្នកធ្វើការជួរមុខថែមទៀត។ វាជាបញ្ហាសុខភាព ហើយក៏ជាបញ្ហាបរិស្ថានផងដែរ។
ផលប៉ះពាល់នៃនិន្នាការទាំងនោះអាចបង្កបញ្ហាជាច្រើនឆ្នាំសម្រាប់មហាសមុទ្រ ដែលបានបំពុលរួចហើយនាពេលកន្លងមក។ លោក Nick Mallos មកពីអង្គការ Ocean Conservancy ដែលមានមូលដ្ឋាននៅសហរដ្ឋអាមេរិក បានប្រាប់ CNN ថា៖ «យើងដឹងថា ការបំពុលប្លាស្ទិកគឺជាបញ្ហាសកលលោក។ ប៉ុន្តែយើងបានឃើញកិច្ចខិតខំប្រឹងប្រែងជាច្រើន របស់ឧស្សាហកម្មក្នុងការទាញយកនូវវឌ្ឍនភាពដ៏អស្ចារ្យមួយចំនួនដែលត្រូវបានធ្វើឡើង»។
លោក Mallos បន្ថែមថា៖ «យើងចាំបាច់ត្រូវមានការប្រុងប្រយ័ត្នខ្ពស់ថា តើយើងត្រូវធ្វើយ៉ាងណា ក្រោយពេលកូវីដត្រូវបានបញ្ចប់?»៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ