ទោះកូវីដ១៩បែបណា ក៏ ឆុំ វត្តី នៅតែសម្រេចបំណងរៀបការដដែល
- ភ្នំពេញ
រាជធានីភ្នំពេញ ៖ តារាសម្តែង ឆុំ វត្តី បានរៀបការហើយព្រឹកម៉ិញ ថ្ងៃទី៤ ខែឧសភា ឆ្នាំ២០២០ ។…
រាជធានីភ្នំពេញ ៖ តារាសម្តែង ឆុំ វត្តី បានរៀបការហើយព្រឹកម៉ិញ ថ្ងៃទី៤ ខែឧសភា ឆ្នាំ២០២០ ។ ពិធីមង្គលការនេះធ្វើឡើង ក្រោយពីពេលមុននេះ ម្នាក់ៗនាំគ្នាគិតថារំសាយ ព្រោះកូវីដ១៩ ប៉ុន្តែទីបំផុត ឆុំ វត្តី និងគូដណ្តឹង បានយកថ្ងៃទី៤ នេះរៀបការផ្លូវការ ដោយមិនអាចរំសាយបាន។
យ៉ាងណាមិញ គ្រាន់តែកម្មវិធីមង្គលការមកដល់តារាស្រីរូបនេះ ក៏បាមបញ្ចេញរូបភាព Pre-wedding របស់ខ្លួន និងគូស្នេហ៍ថតនៅឯទឹកដីខេត្តសៀមរាប ក្នុងឈុតសម្លៀកបំពាក់បុរាណស្រស់ស្អាតខ្លាំងណាស់ ធ្វើឲ្យហ្វេនៗគ្រប់គ្នាឃើញហើយសរសេរមិនដាច់មាត់ថែមទៀតផង។
មង្គលការនេះ រៀបចំធ្វើតែមួយព្រឹកប៉ុណ្ណោះ ស្ថិតនៅផ្ទះខាងប្រុស ម្តុំវត្តទួលសង្កែ រាជធានីភ្នំពេញ។ បើតាមដឹងវត្តី គ្រោងរៀបការជប់លៀងនៅកោះពេជ្រ ប៉ុន្តែកម្មវិធីជប់លៀងពេលល្ងាចនា កោះពេជ្រ ត្រូវបានរំសាយ លើកពេលដោយត្រៀមមកវិញ ក្រោយពេលស្ងាត់កូវីដ១៩។
យ៉ាងណាមិញ សិល្បករទាំងអស់បានសម្តែងនូវការរីករាយដែល ឆុំ វត្តី បានដើរដល់គោលដៅជីវិតជាគូគាប់។ ម្នាក់ៗជូនពរនាងបានសម្រេចបំណង ហើយនឹងខំមើលថែគ្នារៀងរហូតចាស់ទុំ។
វត្តី ពេលនេះជាកូនប្រសារអ្នកដឹកនាំរឿង លោក ទិត្យ ធារិទ្ឋ ហើយនាងក៏ក្លាយជាអ្នកចាត់ការទូទៅប្រចាំផលិតកម្មមួយ។ មានតំណែងល្អ តែវត្តីនៅបំពេញការងារជាតារាសម្តែងដោយមិនបោះបង់ឡើយ។ ហើយគេបានស្គាល់នាងតាមរយៈរឿងបុរាណមួយជាតួឯក នៃរឿង«ហ្លួងព្រះស្តេចកន»ផងដែរ។ (កែសម្រួលដោយ ៖ បុប្ផា)
ចែករំលែកព័តមាននេះ