ផ្លូវដែលត្រូវដោះស្រ័យសម្រាប់ជីវិតបើ តឹងពេក ឆ្វេងពេក ប្រើអំណាចផ្តាច់ការពេក ធ្វើការខ្លាំងពេក ផ្លូវទាំងនេះសុទ្ធតែជាផ្លូវនាំមកនូវគ្រោះថ្នាក់បំផុត យ៉ាងណាមិញបើព្រះសង្ឃមានវិហារថ្មពីរ បីជាន់ កុដិថ្មល្អៗ តែបើឧបាសកឧបាសិកានៅជុំវិញវត្តរស់នៅផ្ទះស្លឹក ផ្ទះស្បូវរយីករយាកនោះ ក៏ជារឿងមិនល្អដែរ ។
សូមមើលដំណើរព្រះពុទ្ធដែលព្រះអង្គជ្រើសរើសផ្លូវមកដោះស្រ័យសម្រាប់ការត្រាស់ដឹងរបស់ព្រះអង្គ គឺព្រះអង្គប្រព្រឹត្តប្រតិបត្តិតាមផ្លូវទាំង៨ មិនតឹងពេក មិនធូរពេក ពោលគឺដើរផ្លូវកណ្តាល ឬហៅថា អដ្ឋង្គិកមគ្គ ។
ផ្លូវទាំង៨ប្រការនោះគឺ ១-គំនិតត្រូវ ២-ការត្រិះរិះត្រូវ ៣-ការងារត្រូវ ៤-អាជីវកម្មត្រឹមត្រូវ ៥-វាចាត្រូវ ៦-ព្យាយាមត្រូវ ៧-ការភ្ញាក់រលឹកត្រូវ និង៨-ការតម្កល់ចិត្តត្រូវ ។
ផ្លូវទាំង៨នេះទើបជាផ្លូវរួចចាកទុក្ខ មានមុខឆ្ពោះទៅកាន់បរមសុខលែងត្រឡប់ក្រោយទៀតឡើយ ។ សាន សារិន
ចែករំលែកព័តមាននេះ