សហរដ្ឋអាមេរិក ៖ ក្នុងសន្និសីទសារព័ត៌មានប្រចាំថ្ងៃមួយ ប្រធានាធិបតីអាមេរិកលោកដូណាល់ ត្រាំ ប្រកាសថា ទីភ្នាក់ងារថ្នាំពេទ្យអាមេរិក FDA បានអនុញ្ញាតឲ្យប្រើប្រាស់ជាបន្ទាន់ថ្នាំប្រឆាំងវីរុស REMDESIVIR…
សហរដ្ឋអាមេរិក ៖ ក្នុងសន្និសីទសារព័ត៌មានប្រចាំថ្ងៃមួយ ប្រធានាធិបតីអាមេរិកលោកដូណាល់ ត្រាំ ប្រកាសថា ទីភ្នាក់ងារថ្នាំពេទ្យអាមេរិក FDA បានអនុញ្ញាតឲ្យប្រើប្រាស់ជាបន្ទាន់ថ្នាំប្រឆាំងវីរុស REMDESIVIR ដែលជួយកាត់បន្ថយរយៈពេលសម្រាប់បណ្ដាអ្នកជំងឺឆ្លងវីរុសCOVID-19 បានធូរស្រាលឡើងវិញ ។
នៅសេតវិមានលោកត្រាំថ្លែងនាថ្ងៃទី២ ឧសភាថា ខ្ញុំមានក្ដីរីករាយប្រកាសថាយើងបានទទួលការអនុញ្ញាតរបស់ FDA អនុញ្ញាតឲ្យប្រើប្រាស់ជាបន្ទាន់ថ្នាំ REMDESIVIR ។ ការអនុញ្ញាតឲ្យប្រើប្រាស់ថ្នាំ REMDESIVIR នៅតាមមន្ទីរពេទ្យនានា សម្រាប់អ្នកជំងឺឆ្លងវីរុសធ្ងន់ ឧទាហរណ៍អ្នកត្រូវការជំនួយអុកស៊ីហ្សែន ជាការអនុញ្ញាតដោយមិនចាំបាច់ឆ្លងកាត់ការសាកល្បងគ្លីនិក ។
ជាអាទិភាពថ្នាំនោះនឹងត្រូវចែកចាយនៅតាមមន្ទីរពេទ្យក្នុងទីក្រុងទាំងឡាយ ដែលរងការប៉ះពាល់ខ្លាំងដោយសារការឆ្លងរាលដាលនៃវីរុស ។
FDA ថ្លែងថាវាជាការសមហេតុផលដែលគិតថា ថ្នាំ REMDESIVIR អាចមានប្រសិទ្ធភាពប្រឆាំងវីរុស COVID-19 និងថា ខណៈនៅពុំទាន់មានការព្យាបាលច្បាស់លាស់មួយ ត្រូវបានអនុម័ត ឬមានរួចហើយ នោះបណ្ដាលទ្ធផលដែលទទួលបាននិងសក្ដានុពលសម្រាប់ការព្យាបាលវីរុសដែលកាចសាហាវនិងសម្លាប់មនុស្សងាយបំផុតនោះ ពិតជាមានគ្រោះថ្នាក់ខ្ពស់ជាងការប្រើថ្នាំនោះទៅទៀត ។
ប៉ុន្មានថ្ងៃមុននេះមន្ទីរពិសោធន៍អាមេរិក GILEAD ធ្លាប់បានប្រកាសថា ការព្យាបាលដោយប្រើថ្នាំនោះបង្ហាញលទ្ធផលជាវិជ្ជមាននានា ចំពោះបណ្ដាអ្នកជំងឺធ្ងន់ឆ្លងវីរុសក្នុងក្របខណ្ឌនៃការសាកល្បងគ្លីនិកមួយ ដែលធ្វើជាមួយការចូលរួមរបស់បណ្ដាវិទ្យាស្ថានសុខភាពអាមេរិកលើអ្នកជំងឺ COVID-19 ចំនួន៨០០នាក់ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ