រាជធានីភ្នំពេញ ៖ ស្តេចនំដូណាត់ខ្មែរវ័យ៨០ឆ្នាំ រៀបការជាមួយក្រមុំវ័យ២៣ឆ្នាំ ហើយប្រិយមិត្តមួយចំនួនប្រហែលជាស្គាល់ លោកតឹក ង៉ូយ ដែលជាបុគ្គលឆ្នើមមួយរូបខាងធ្វើនំដូណាត់ខ្មែរល្បីពេញទឹកដីអាមេរិក គ្រាដែលលោកភៀសខ្លួននៅអាមេរិក។
យ៉ាងណា លោកតឹក ង៉ូយ បានមករស់កម្ពុជាវិញ ជាមួយវ័យកាលច្រើនបែបពោះម៉ាយ លោកបានសាងភាពភ្ញាក់ផ្អើលដោយ ស្រាប់តែរៀបការជាមួយក្រមុំខ្មែរម្នាក់វ័យត្រឹមតែ២៣ឆ្នាំ ។ លោកតឹក ង៉ូយ បានរៀបការជាមួយនារីខ្មែរម្នាក់ រស់នៅខេត្តបាត់ដំបង មានអាយុ២៣ឆ្នាំ។
ពិធីមង្គលការនោះ បានរៀបចំធ្វើឡើងកាលពីម្សិលមិញថ្ងៃទី១ ឧសភា ឆ្នាំ២០២០ នាភោជនីយដ្ឋានមួយ រាជធានីភ្នំពេញ ដោយមានការចូលរួមពីផលិតករ អ្នកដឹកនាំកម្មវិធីទូរទស្សន៍មួយចំនួន។ តាមការឱ្យដឹង លោកតឹក ង៉ូយ និងភរិយាក្មេងវ័យ ជ្រើសរើសជាគូគាប់ជានិស្ស័យ ដោយមិនអាចនិយាយតែលើភាពត្រេកត្រអាលបានឡើយ ។
ទស្សនៈលោកតឹក ង៉ូយ ព្រោះលោកជាជនចាស់ជរានៅកម្ពុជាម្នាក់ឯងយូរឆ្នាំ កូនៗមានគ្រួសារ បង្កើតទាំង កូនលោកមានទាំងចៅ ។ ដូចនេះ ស្នេហាពិតមិនប្រកាន់អាយុវ័យ សំខាន់គឺការយល់ចិត្តគ្នាពិត ។ លោក សម្តែងភាពរីករាយ ដែលមានស្ត្រីម្នាក់នៅស្រស់ស្អាត សម្រេចចិត្តដើរចូលជីវិតលោក មើលថែទាំដោយការពេញចិត្ត ។ ទាំងនេះ ជាហេតុផលដែល លោកជ្រើសគូគាប់ក្នុងវ័យដែលគេសមចូលវត្តស្តាប់ធម៌។
គួរបញ្ជាក់ថា លោក តឹក ង៉ូយ បានចាប់ផ្តើមជីវិតពីជនភៀសខ្លួនដ៏ក្រីក្រម្នាក់ ក្រោយមកលោកក៏បានក្លាយជាអ្នកមានទ្រព្យសម្បត្តិដ៏ស្តុកស្តុម្ភ ។ លោកបានអំពាវនាវដល់ជនភៀសខ្លួនខ្មែរ រាប់រយរាប់ពាន់នាក់ដែលរស់នៅសហរដ្ឋអាមេរិក ឱ្យមកប្រកបរបរលក់នំដូណាត់ រហូតបានក្លាយជាអ្នកមានលុយរាប់លានដុល្លារដូចរូបលោកផងដែរ។
ចែករំលែកព័តមាននេះ