ក្នុងកំឡុងពេលតែប៉ុន្មានខែប៉ុណ្ណោះ ការផ្ទុះនៃជំងឺកូវីដ ១៩ បានផ្លាស់ប្តូរការរស់នៅប្រចាំថ្ងៃរបស់មនុស្សជុំវិញពិភពលោក ដោយកាត់បន្ថយប្រាក់ចំណូលរបស់អាជីវកម្ម និងបង្ខំឲ្យមនុស្សផ្លាស់ប្តូរការប្រកបការងារផងដែរ ។ យោងទៅតាមអ្នកជំនាញផ្នែកការងារ និងនាយកប្រតិបត្តិមួយចំនួនបានឲ្យដឹងទៀតថា វាអាចនឹងបង្កការផ្លាស់ប្តូរបន្ថែមទៀតក្នុងកំឡុងពេលប៉ុន្មានខែ និងឆ្នាំខាងមុខនេះ ។
១. ជម្រើសក្នុងការធ្វើការក្រៅការិយាល័យ
បន្ទាប់ពីមានការផ្ទុះវីរុសខាងលើ ក្រុមហ៊ុនជាច្រើនបានផ្តល់ជម្រើសឲ្យបុគ្គលិកធ្វើការពីផ្ទះដើម្បីជៀសវាងការចម្លងគ្នាទៅវិញទៅមក ។ យោងទៅតាមលោក ប្រេន ខាផ្រន (Brent Capron) ដែលជានាយកផ្នែកច្នៃម៉ូដក្នុងសហគ្រាស Perkins and Will’s New York Studio បានឲ្យដឹងថា បុគ្គលិកនៅតែជួបជុំគ្នាដើម្បីធ្វើការដដែល ប៉ុន្តែអ្វីដែលអាចនឹងផ្លាស់ប្តូរគឺពេលវេលាដែលចំណាយធ្វើការជាមួយអ្នកដទៃ និងម៉ោងធ្វើការរបស់មនុស្ស ។
២. កាត់បន្ថយកិច្ចប្រជុំ
យោងទៅតាម ណាដជៀ យូសីហ្វ (Nadkia Yousif) ដែលជានាយកគ្រប់គ្រងក្នុងក្រុមហ៊ុន Boston Consulting Group បានប្រាប់មកថា ក្រុមហ៊ុនអាចនឹងកាត់បន្ថយចំនួនប្រជុំនៅថ្ងៃអនាគតព្រោះការផ្ទុះជំងឺកូវីដ ១៩ បានបង្ខំឲ្យមនុស្សចាប់ផ្តើមងាកទៅប្រើប្រាស់បច្ចេកវិទ្យាថ្មីៗនៅកន្លែងធ្វើការរហូតដល់ពួកគេអាចសម្របខ្លួននឹងវាបាន ។ ក្នុងករណីមួយចំនួន ការផ្លាស់ប្តូរនេះអាចជួយបង្កើនប្រសិទ្ធិភាពការងាររបស់បុគ្គលោកផងដែរ ។
ដោយហេតុដូចនេះ កិច្ចប្រជុំនៅថ្ងៃអនាគតអាចនឹងត្រូវបានជំនួសដោយអ៊ីមែល ហើយអ៊ីមែលនឹងក្លាយជាសារអេឡិចត្រូនិកផ្សេងៗវិញ និងកិច្ចប្រជុំដែលចាំបាច់អាចក្លាយជាកិច្ចប្រជុំអនឡាញជាដើម ។
៣. ការពិនិត្យសុខភាពនៅកន្លែងធ្វើការ
អ្នកជំនាញផ្នែកសុខភាពនិងច្បាប់បានប្រាប់ដល់សារព័ត៌មាន CNBC ថា ការត្រួតពិនិត្យសុខភាពនៅកន្លែងការងារដូចជាការវាស់សីតុណ្ហភាព និងធ្វើតេស្តផ្សេងៗអាចនឹងកើតមានឡើងនៅកំឡុងពេលខាងមុខនេះ ។
៤. បុគ្គលិកកាន់តែស្និទ្ធិស្នាលជាងមុន
ផលវិជ្ជមានមួយនៃការផ្ទុះជំងឺនេះ គឺវាអាចជួយពង្រឹងដល់ទំនាក់ទំនងរវាងបុគ្គលិកនិងបុគ្គលិក ។ ឡាក់ស្មី រេនហ្គារ៉ាចាន (Lakshmi Rengarajan) ដែលជាទីប្រឹក្សាផ្នែកទំនាក់ទំនងនភកន្លែងការងារបានប្រាប់មកថា មនុស្សភាគច្រើនមើលរំលងតម្លៃនៃការជួបនឹងមិត្តរួមការងារជារៀងរាល់ថ្ងៃ ហើយកូវីដ ១៩ អាចនឹងធ្វើឲ្យសមាជិកក្រុមកាន់តែស្និទ្ធិស្នាលគ្នាឡើង ៕
ចែករំលែកព័តមាននេះ