តាមធម្មតាបុរសស្ត្រីទាំងឡាយក្នុងលោកដែលជាអ្នកគ្រប់គ្រងផ្ទះសម្បែងតែងមានភរិយាស្វាមី ហើយត្រូវមានការរស់នៅបែកពីម៉ែឪហើយ និងមានសមាជិកគ្រួសាររៀងៗខ្លួន ។ សមាជិកទាំងនោះតែងមានអត្តចរិតផ្សេងៗគ្នា ទោះបីអ្នកទាំងនោះមានឈាមជ័រតែមួយក៏ដោយ ។ ខ្លះមាននិស្ស័យខុសគ្នា មានអ្នកខ្លះចូលចិត្តតែសប្បាយហើយនិយាយច្រើន ខ្លះចូលចិត្តកំប្លុកកំប្លែងលេងក្រមាច់ក្រមើម…
តាមធម្មតាបុរសស្ត្រីទាំងឡាយក្នុងលោកដែលជាអ្នកគ្រប់គ្រងផ្ទះសម្បែងតែងមានភរិយាស្វាមី ហើយត្រូវមានការរស់នៅបែកពីម៉ែឪហើយ និងមានសមាជិកគ្រួសាររៀងៗខ្លួន ។ សមាជិកទាំងនោះតែងមានអត្តចរិតផ្សេងៗគ្នា ទោះបីអ្នកទាំងនោះមានឈាមជ័រតែមួយក៏ដោយ ។
ខ្លះមាននិស្ស័យខុសគ្នា មានអ្នកខ្លះចូលចិត្តតែសប្បាយហើយនិយាយច្រើន ខ្លះចូលចិត្តកំប្លុកកំប្លែងលេងក្រមាច់ក្រមើម ខ្លះចំណូលខាងភូតភរកុហកគេ កុហកឯង ប្រើល្បិចគ្រប់យ៉ាង ខ្លះទាំងជាមនុស្សស្មោះត្រង់ ទៀងត្រង់ ហើយប្រាថ្នាតិចចូលចិត្តការស្ងប់ស្ងាត់ មិនចង់បានអ្វីឲ្យហួសហេតុផ្ទុយពីចរិយាទ្រព្យសម្បត្តិរបស់មាតាបិតាឡើយ ។
ហេតុនេះដើម្បីញុំាងគ្រួសារឱ្យប្រព្រឹត្តទៅបានល្អ គប្បីប្រតិបត្តិនូវ ឃរាវាសធម៌ជាធម៌សម្រាប់ការរស់នៅគ្រប់គ្រងក្នុងផ្ទះគឺត្រូវអនុវត្តទាំងអស់គ្នាមិនថាក្មេង មិនថាចាស់នោះឡើយ គឺត្រូវរក្សាទើបល្អក្នុងគ្រួសារ ។
ធម៌សម្រាប់គ្រប់គ្រងផ្ទះនោះមាន៤គឺ ១- សេចក្ដីទៀតត្រង់ដល់គ្នានិងគ្នា ២- ទូន្មានចិត្តឲ្យទន់ភ្លន់ ៣- អត់ធន់គ្រប់យ៉ាង ក្នុងភារកិច្ចគ្រប់មុខ ៤- លះបង់ទ្រព្យសម្បត្តិដល់អ្នកដទៃដែលគួរឲ្យ ។
គ្រួសារណាមានគោលធម៌ទាំង៤នេះ គ្រួសារនោះឈ្មោះថាជាគ្រួសារមានវិន័យ មានសីលធម៌ សុជីវធម៌ក្នុងជីវិតរស់នៅ ។ សាន សារិន
ចែករំលែកព័តមាននេះ