មុនពេលលោក ជេហ្វ បេសូស (Jeff Bezos) ដែលជាស្ថាបនិករបស់ Amazon បានក្លាយជាបុរសដែលមានទ្រព្យសម្បត្តិច្រើនជាងគេលើលោក លោកធ្លាប់ធ្វើការក្នុងវិស័យទីផ្សារភាគហ៊ុនអាមេរិក ។…
មុនពេលលោក ជេហ្វ បេសូស (Jeff Bezos) ដែលជាស្ថាបនិករបស់ Amazon បានក្លាយជាបុរសដែលមានទ្រព្យសម្បត្តិច្រើនជាងគេលើលោក លោកធ្លាប់ធ្វើការក្នុងវិស័យទីផ្សារភាគហ៊ុនអាមេរិក ។ ប៉ុន្តែតាំងពីលោកនៅវ័យក្មេង លោកតែងតែមានក្តីសុបិនចង់ធ្វើជាម្ចាស់អាជីវកម្មមួយដោយខ្លួនឯង ។
ជាទូទៅមនុស្សចង់ចាប់ផ្តើមអាជីវកម្មព្រោះពួកគេធុញទ្រាន់ ឬស្អប់ការងារដែលខ្លួនមាន ។ ប៉ុន្តែសម្រាប់លោក បេសូស វិញការងាររបស់លោកផ្តល់នូវអត្ថប្រយោជន៍ច្រើនណាស់ ប៉ុន្តែលោកដឹងច្បាស់ថាវាមិនមែនជាអ្វីដែលលោកចង់ធ្វើពិតប្រាកដទេ ។
ប្រសិនបើអ្នកចាប់អារម្មណ៍ក្នុងការបង្កើតអាជីវកម្ម ឬក្រុមហ៊ុនមួយដោយខ្លួនឯងនោះ អ្នកមានការសម្រេចចិត្តធំមួយគឺសម្រេចថាតើអាជីវកម្មរបស់អ្នកនឹងធ្វើអ្វីខ្លះ។ ហើយដំណាក់កាលនេះ គឺមិនងាយទេសូម្បីតែសម្រាប់លោកបេសូដែរ ។
ប៉ុន្តែក្នុងដំណាក់កាលដំបូង មនុស្សដែលចង់ក្លាយជាអាជីវករគួរតែសួរខ្លួនឯងនូវសំណួរសំខាន់ៗបីគឺ៖ តើអ្នកពូកែធ្វើអ្វីខ្លះ? តើអ្នកចូលចិត្តធ្វើអ្វីខ្លះ? តើមានអ្វីខ្លះដែលផ្តល់អារម្មណ៍សប្បាយរីករាយដល់អ្នក? យ៉ាងណាក្តី សម្រាប់អត្ថបទនេះ អ្នកអាចផ្តោតស្មារតីលើសំណួរទីមួយសិន ។
ជាក់ស្តែង មនុស្សម្នាក់ៗតែងតែមានជំនាញ និងទេពកោសល្យដែលធ្វើឲ្យពួកគេខុសប្លែកពីអ្នកដទៃទោះជាពួកគេមិនដឹងខ្លួនថាមានពិតមែនក្តី ។
ឧទាហរណ៍ដូចជាលោកមហាសេដ្ឋី អ៊ីឡុន ម៉ាស (Elon Musk) ដែលជាបុគ្គលនៅពីក្រោយក្រុមហ៊ុនធំៗដូចជា PayPal និង Tesla ជាដើម ។ លោក ម៉ាស តែងតែមានទេពកោសល្យក្នុងផ្នែកដោះស្រាយបញ្ហា និងសមត្ថភាពក្នុងការស្រមើលស្រមៃឃើញថ្ងៃអនាគត ។
ប្រសិនបើអ្នកមិនទាន់ដឹងច្បាស់ថាអ្នកពូកែធ្វើអ្វីទេនោះ អ្នកគួរតែចំណាយពេលវេលាដើម្បីគិត និងវិភាគលើខ្លួនឯងសាជាថ្មីពីកិច្ចការដែលអ្នកអាចធ្វើបានដោយងាយ ។ ឧទាហរណ៍មួយចំនួនរួមមាន ការដោះស្រាយបញ្ហា ការគ្រប់គ្រងហានិភ័យ ការចាប់ផ្តើមគម្រោងការថ្មីៗ ការអនុម័តគម្រោងការ ការគិតឃើញគំនិតថ្មីៗ និងការគ្រប់គ្រងមនុស្ស ឬរៀបចំកម្មវិធីជាដើម ។
ពេលដែលអ្នកគិតឃើញកិច្ចការដែលអ្នកពូកែធ្វើចំនួនបីហើយ ជំហានបន្ទាប់ គឺអ្នកត្រូវព្យាយាមមើលថាតើមានកិច្ចការណាមួយដែលស្របទៅនឹងអ្វីដែលអ្នកចូលចិត្តធ្វើ និងអ្វីដែលផ្តល់សុភមង្គលដល់អ្នកទេ ៕
ចែករំលែកព័តមាននេះ