សម្រាប់អាជីវកម្មមួយចំនួន ការផ្ទុះជំងឺកូវីដ ១៩ ប្រៀបបានជាគ្រោះដ៏កាចសាហាវ ប៉ះពាល់ដល់ប្រាក់ចំណូលគ្រួសារ ប៉ុន្តែសម្រាប់អាជីវកម្មមួយចំនួនទៀត វាជាឱកាសមួយក្នុងការបង្កើតផលិតផលថ្មីៗដើម្បីផ្គត់ផ្គង់តាមតម្រូវការ និងរកលុយបន្ថែមទៅវិញ ។ ខាងក្រោម…
សម្រាប់អាជីវកម្មមួយចំនួន ការផ្ទុះជំងឺកូវីដ ១៩ ប្រៀបបានជាគ្រោះដ៏កាចសាហាវ ប៉ះពាល់ដល់ប្រាក់ចំណូលគ្រួសារ ប៉ុន្តែសម្រាប់អាជីវកម្មមួយចំនួនទៀត វាជាឱកាសមួយក្នុងការបង្កើតផលិតផលថ្មីៗដើម្បីផ្គត់ផ្គង់តាមតម្រូវការ និងរកលុយបន្ថែមទៅវិញ ។ ខាងក្រោម គឺជាគំនិតថ្មីៗដែលអាជីវករមួយចំនួនបានគិតឃើញក្នុងកំឡុងពេលប្រទេសរបស់ពួកគេជួបនឹងកូវីដ ១៩ ៖
១. ថាសហោះកម្ចាត់មេរោគ
វីរុសកូវីដ ១៩ អាចរស់នៅលើអាកាស និងវត្ថុផ្សេងៗបានក្នុងពេលមួយជាកំណត់ដោយអាស្រ័យតាមធាតុផ្សំនៃសម្ភារៈទាំងនោះ ។ នេះជាហេតុដែលវាមានសារៈសំខាន់ណាស់ក្នុងការលាងសម្អាតមេរោគក្នុងការិយាល័យ ឬអគារផ្សេងៗដែលចាំបាច់មានមនុស្សចេញចូលជារៀងរាល់ថ្ងៃ ។ ប៉ុន្តែការបញ្ជូនមនុស្សចូលទៅកម្ចាត់មេរោគអាចបង្កហានិភ័យដល់ពួកគេដែរ ។
ដោយហេតុដូច្នេះ ក្រុមហ៊ុន Digital Aerolus បានបង្កើតថាសហោះបញ្ជា Aertos 120 UVC មួយដែលអាចហោះចូលក្នុងអគារ ឬបន្ទប់តូចចង្អៀតនិងកម្ចាត់មេរោគដោយប្រើពន្លឺ UVC ។ បច្ចុប្បន្នថាស់ហោះនេះអាចប្រើក្នុងមន្ទីរពេទ្យ ហាងទំនិញ ការិយាល័យ និងកន្លែងសម្រាករបស់បុគ្គលិកក្នុងវិស័យសុខាភិបាលជាដើម ។
២. ដបទឹកធ្វើពីស្ពាន់
ក្រុមហ៊ុន Copper H20 ជាក្រុមហ៊ុនផលិតដបទឹកធ្វើពីស្ពាន់ដែលការសិក្សាក្នុងពេលថ្មីៗនេះបានប្រទះឃើញថាមានសារធាតុពីធម្មជាតិដែលអាចបញ្ឈប់ការឆ្លងនៃកូវីដ ១៩ បាន ទោះជាវាមិនមែនជាដំណោះស្រាយទាំងស្រុងពិតមែនក្តី ។ ក្រុមហ៊ុនជាច្រើនបានទិញដកទឹកទាំងនេះ និងផ្តល់ដល់បុគ្គលិកដើម្បីកាត់បន្ថយឱកាសឆ្លង និងចៀសវាងការប្រើប្រាស់ដបប្លាស្ទិចដែលប៉ះពាល់ដល់បរិស្ថានផងដែរ ។
៣. ការអប់រំអនឡាញ
ក្នុងកំឡុងពេលដែលរដ្ឋាភិបាលចិនចេញបញ្ជាឲ្យគ្រប់ស្ថាប័នអប់រំផ្អាកដំណើរការ និងអនុវត្តការរៀនអនឡាញ កម្មវិធី DingTalk របស់ក្រុមហ៊ុន Alibaba Group ត្រូវបានប្រើប្រាស់ដោយសាលារៀន និងសិស្សានុសិស្សជាច្រើន ។ ក្រុមបច្ចេកទេស Tencent Education ក៏បានចាប់យកឱកាសនេះដែរ ដោយផ្តល់នូវ Tencent Live និង Tencent Classroom សម្រាប់ការរៀនអនឡានដែរជាពិសេសក្នុងក្រុងវូហាន ៕
ចែករំលែកព័តមាននេះ