តាំងពីការផ្ទុះជំងឺកូវីដ ១៩ តាំងពីដើមឆ្នាំ ២០២០ មក មនុស្សកាន់តែច្រើនចាប់ផ្តើមមើលឃើញកំហុសឆ្គងរបស់ខ្លួនក្នុងការគ្រប់គ្រងចំណូល និងចំណាយជាពិសេសក្នុងពេលដែលសេដ្ឋកិច្ចមានភាពមិនប្រាកដប្រជាខ្ពស់ ។ ដើម្បីឆ្លងផុតកូវីដ ១៩…
តាំងពីការផ្ទុះជំងឺកូវីដ ១៩ តាំងពីដើមឆ្នាំ ២០២០ មក មនុស្សកាន់តែច្រើនចាប់ផ្តើមមើលឃើញកំហុសឆ្គងរបស់ខ្លួនក្នុងការគ្រប់គ្រងចំណូល និងចំណាយជាពិសេសក្នុងពេលដែលសេដ្ឋកិច្ចមានភាពមិនប្រាកដប្រជាខ្ពស់ ។ ដើម្បីឆ្លងផុតកូវីដ ១៩ ដោយរលូន និងចៀសវាងផលប៉ះពាល់ផ្សេងៗដល់ប្រាក់ចំណូលគ្រួសារ អ្នកគួរតែចាប់ផ្តើមកែទម្លាប់មួយចំនួនដែលបង្កឲ្យអ្នកខាតបង់ថវិកាជារៀងរាល់ខែ ។ ខាងក្រោមជាកំហុសឆ្គងធំៗដែលអ្នកមិនគួរប្រព្រឹត្តទៀតក្នុងឆ្នាំនេះ៖
១. ការមិនមានថវិកាបម្រុងទុកពេលមានអាសន្ន
គ្រោះអាសន្នកើតមានឡើងដោយមិនបានផ្តល់នូវមុខសញ្ញាដល់មនុស្សមុនទេ ហើយភាគច្រើនវាតែងតែបង្កឲ្យមនុស្សខាតបង់ថវិកាជាច្រើនដែរ ។ ប្រសិនបើអ្នកមិនមានប្រាក់សន្សំទុកសម្រាប់ការចាយវាយដែលមិនបានគ្រោងទុកទាំងនេះនោះ អ្នកប្រហែលជាត្រូវធ្លាក់ខ្លួនក្នុងបំណុលដ៏ច្រើនហើយ ។
ដោយហេតុដូចនេះទើបអ្នកត្រូវតែមានថវិកាបម្រុងទុកពេលមានអាសន្នជានិច្ចដែលគួរតែស្មើយ៉ាងតិចណាស់ក៏ ៣ ខែនៃការចាយវាយប្រចាំថ្ងៃរបស់អ្នកដែរ ។
២. ការចាយវាយលើសការគ្រោងទុក
ការកំណត់ការចាយវាយឲ្យបានច្បាស់លាស់ គឺពិតជាសំខាន់ណាស់ប្រសិនបើអ្នកចង់ចៀសវាងការចាយវាយលើសលុប ។ អ្នកអាចធ្វើវាទុកសម្រាប់រាល់ខែបានដែលរួមមានការចាយវាយប្រចាំខែសំខាន់ៗដូចជាថ្លៃជួលផ្ទះ ទឹកភ្លើង អាហារ និងការធ្វើដំណើរប្រចាំថ្ងៃជាដើម ។ បន្ទាប់មកទៀតអ្នកគួរកំណត់ថវិកាសម្រាប់សន្សំ ឬសម្រាប់សងបំណុលប្រសិនបើអ្នកមាន ។
៣. មិនត្រៀមលុយទុកសម្រាប់ការចាយវាយលើវិស្សមកាល
ការចាយវាយប្រចាំខែមានសារៈសំខាន់ណាស់ តែអ្នកក៏មិនគួរមើលរំលងការចំណាយនៅថ្ងៃវិស្សមកាលដែរ ។ ឧទាហរណ៍ដូចជាការចាយវាយសម្រាប់បុណ្យប្រពៃណីចូលឆ្នាំជាដើម ។ ព្រោះតែប្រទេសកម្ពុជាមានពិធីបុណ្យ និងការឈប់សម្រាកច្រើន អ្នកប្រហែលជាត្រូវទុកថវិកាសម្រាប់ឱកាសទាំងនេះមួយឡែកដើម្បីចៀសវាងការចាយវាយលើសលប់ ៕
ចែករំលែកព័តមាននេះ