ប្រទេសរុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរពូទីន កាលពីថ្ងៃទី២៨ មេសា សម្រេចលើការពន្យារពេល ការបង្ខាំងមនុស្សមិនឲ្យចេញក្រៅផ្ទះរហូតដល់ថ្ងៃទី១១ ឧសភា ។ វិធានការនោះសំដៅចៀសវាងការឆ្លងរាលដាលកាន់តែខ្លាំងនៃវីរុសCOVID-19ដែលកំពុងមានភាពខ្លាំងក្លានៅរុស្ស៊ី។
លោកពូទីន ប្រកាសពីការពន្យារពេលនោះ ក្នុងឱកាសនៃកិច្ចប្រជុំមួយ ជាមួយបណ្ដាអ្នកទទួលខុសត្រូវរដ្ឋាភិបាល និងប្រធានតំបន់នានា ផ្សាយតាមទូរទស្សន៍។ ការរិតត្បិតដែលរារាំងពលរដ្ឋរុស្ស៊ីមិនឲ្យទៅកាន់កន្លែងធ្វើការ ត្រូវលុបចោលនាដំណាច់ខែមេសា តែលោកពូទីនថ្លែងថា កម្រិតកំពូលនៃការឆ្លងវីរុសនោះនៅរុស្ស៊ីនៅមិនឈានដល់នៅឡើយ។
ប្រមុខរដ្ឋបានស្នើដល់រដ្ឋាភិបាលឲ្យរៀបចំវិធានការថ្មីៗ ជួយទ្រទ្រង់ដល់សេដ្ឋកិច្ចនិងប្រជាជនព្រមទាំងផ្ដល់នាថ្ងៃទី៥ឧសភា បណ្ដាអនុសាសន៏ស្ដីពីការ លុបចោលបន្តិចម្ដងៗការបង្ខាំង៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ