នៅពេលដែលលោកអ្នកបើកបរផ្លូវឆ្ងាយ ពិសេសពេលយប់វាហាក់ដូចជា រឿងសាមញ្ញទៅហើយ ដែលអ្នកកាន់ចង្កូតបញ្ជាយានយន្តមានអារម្មណ៍ងងុយដេក បន្ទាប់ពីមានការនឿយណាយក្នុងការធ្វើដំណើរអស់ជាច្រើនម៉ោងនោះ ។ កត្តានេះគឺជាស្ថានភាពគ្រោះថ្នាក់មួយ ប្រសិនបើអ្នកបើកបរនៅតែបង្ខំចិត្តបន្តដំណើរទៅមុខទៀតនោះ ។ ដូចនេះ ជាដំណោះស្រាយដ៏ប្រសើរ
នៅពេលដែលលោកអ្នកបើកបរផ្លូវឆ្ងាយ ពិសេសពេលយប់វាហាក់ដូចជា រឿងសាមញ្ញទៅហើយ ដែលអ្នកកាន់ចង្កូតបញ្ជាយានយន្តមានអារម្មណ៍ងងុយដេក បន្ទាប់ពីមានការនឿយណាយក្នុងការធ្វើដំណើរអស់ជាច្រើនម៉ោងនោះ ។ កត្តានេះគឺជាស្ថានភាពគ្រោះថ្នាក់មួយ ប្រសិនបើអ្នកបើកបរនៅតែបង្ខំចិត្តបន្តដំណើរទៅមុខទៀតនោះ ។ ដូចនេះ ជាដំណោះស្រាយដ៏ប្រសើរចូរអ្នកអនុវត្តនូវគោលការណ៍មួយចំនួនដូចខាងក្រោមនេះ ដើម្បីដាស់ស្មារតីកុំឱ្យលង់លក់ពេលបើកបរ៖
ក/ប្រើប្រាស់អាហារ និងភេសជ្ជៈដើម្បីដាស់ស្មារតី
១-ទទួលទានចំណីហឹះឬមានរសជាតិជាប់អណ្តាត និងពិសាភេសជ្ជៈប៉ូវកម្លាំងជាដើម ។ ការបរិភោគអាហារទាំងនេះ អាចនឹងជួយបង្កើននូវកម្រិតនៃភាពដាស់ស្មារតីដល់អ្នកយ៉ាងមានប្រសិទ្ធភាព ។ ចំពោះចំណីគួរញ៉ាំនោះ រួមមាន ចំណីដែលអ្នកទំពាគ្រួបៗឬជញ្ជក់យករសជាតិ មានផ្លែប៉ោម ក្រូច ឬគ្រឿងម្ជូរជាដើម ។
២-ពិសាយឺតៗ ប្រសិនជាអ្នកមានជាប់មកជាមួយដោយអាហារសម្រន់នំចំណីបន្តិចបន្តួចនោះ គឺទទួលទានវាម្តងមួយៗ ។ ម្យ៉ាងទៀត គួរខាំវាចឹបៗតាមដែលអាចធ្វើទៅបាន ។
៣-ទទួលទានភេសជ្ជៈយឺតៗ ។ កាហ្វេគឺមានមុខងារយ៉ាងពិសេសដែលមានផ្ទុកជាតិកាហ្វេអីុន ដែលអាចរក្សាស្មារតីរបស់អ្នកបានល្អមិនឱ្យមានអារម្មណ៍ងងុយដេក ។
៤-ចៀសវាងពិសាស្ករ ពីព្រោះវាអាចបណ្តាលឱ្យអ្នកលង់លក់ ឬដេករលីវៗបានយ៉ាងងាយ ហើយធ្វើឱ្យប្រព័ន្ធខួរក្បាលរបស់អ្នកមានភាពច្របូកច្របល់ បន្ទាប់ពីទទួលទានរួច ។
៥-ទំពាស្ករកៅស៊ូជាប់ជានិច្ច ធ្វើដូច្នេះវាអាចបញ្ឈប់ការស្ងាប និងអារម្មណ៍ងងុយដេកបាន ។
៦-ធ្វើអ្វីមួយដែលកាន់តែជំរុញស្មារតីដល់អ្នក ឧទាហរណ៍ៈ ការទំពាគ្រួបៗនៃកម្ទេចទឹកកក ឬពិសាគ្រាប់ផ្កាឈូករ័ត្ន ពីព្រោះសកម្មភាពនៃការទំពាបានដាស់ស្មារតីអ្នកឱ្យប្រសើរទ្បើង ។
ខ/រក្សាភាពត្រជាក់ក្នុងរថយន្ត
១-សារេសីតុណ្ហភាពក្នុងរថយន្តឱ្យមានកម្រិតទាបជាងមុន គឺលៃយ៉ាងណាឱ្យត្រជាក់ជាងធម្មតាបន្តិចតាមដែលអ្នកចូលចិត្ត ។ ប៉ុន្តែមិនឱ្យត្រជាក់ខ្លាំងទ្បើយ គឺល្មមគ្រប់គ្រាន់ពេលដែលសរីរាង្គកាយ និងខួរក្បាលរបស់អ្នកត្រូវការ ។ សារេរន្ធខ្យល់ត្រជាក់ផាត់មកឱ្យចំផ្ទៃមុខរបស់អ្នក ។
២-លុបសម្អាតមុខនិងកញ្ចឹងករបស់អ្នកនឹងកន្សែងត្រជាក់ ការធ្វើបែបនេះធ្វើឱ្យមានអារម្មណ៍ស្រស់ស្រាយមួយរំពេច ។
៣-បើកបង្អួច នៅពេលនោះកម្លាំងខ្យល់ត្រជាក់បុកខ្លាំងលើផ្ទៃមុខរបស់អ្នកអាចជួយឱ្យអ្នកស្វាងពីអារម្មណ៍នឿយណាយនោះបាន ។
គ/ចាក់បន្លឺគ្រឿងបំពងសំទ្បេង
១-ស្តាប់តន្ត្រីដែលអ្នកមិនចូលចិត្ត ការធ្វើឱ្យអ្នកធុញថប់កាន់តែខ្លាំង ធ្វើឱ្យស្មារតីអ្នកកាន់តែប្រសើរ ។ អ្វីដែលអ្នកមិនគួរធ្វើនោះ គឺស្តាប់ចម្រៀងមនោសញ្ចេតនា និងរូមែនទិច ពីព្រោះអ្នកនឹងមានអារម្មណ៍រីករាយ ហើយក៏ចាប់ផ្តើមងងុយតែម្តង ។ ចំណុចមួយទៀត គឺត្រូវមួលដំទ្បើងសំទ្បេងឱ្យខ្លាំង ទើបជាការប្រសើរ ។
២-ច្រៀងតាមវិទ្យុ ឬឆ្លើយឆ្លងជាមួយអ្នករួមដំណើរក្នុងរថយន្ត ។ ប៉ុន្តែចៀសវាងនិយាយតាមទូរស័ព្ទ ព្រោះវាប្រឈមនឹងគ្រោះថ្នាក់ និងខុសច្បាប់ចរាចរណ៍ទៀតផង ។
ឃ/ធ្វើសកម្មភាពផ្សេងៗក្នុងរថយន្ត
១-គ្រវីក្បាលរបស់អ្នកពីម្ខាងទៅម្ខាង ហើយដកដង្ហើមវែងៗ ។ ទម្លាក់មុខចុះ ប្រសិនបើចាំបាច់ ។
២-យកដៃម្ខាងដាក់ចេញក្រៅកញ្ចក់ទប់ខ្យល់ ។
៣-ងើបខ្លួនទ្បើងចេញពីកៅអីបន្តិច ។
ង/ប្រើឱសថជំនួយ
សម្រេចចិត្តប្រើឱសថតាមវេជ្ជបញ្ជា ប្រសិនបើភាពលង់លក់នៅពេលបើក គឺជាគ្រោះថ្នាក់ដែលមិនអាចចៀសផុតបាន ៕
ចែករំលែកព័តមាននេះ