ខេត្តក្រចេះ ៖ មន្ត្រីមន្ទីរទេសចរណ៍ខេត្តក្រចេះបានថ្លែងប្រាប់ឲ្យដឹងថា ស្ថានភាពជំងឺកូវីដ-១៩ បាននិងកំពុងតែស្ថិតក្នុងសភាពធូរស្រាលវិញទៅហើយនោះ ស្ថានភាពអ្នកធ្វើដំណើរនិងអ្នកទេសចរក៏ធ្វើដំណើរទៅលេងកំសាន្តនៅតាមតំបន់ទេសចរណ៍នានាក្នុងខេត្តក្រចេះ ហាក់ដូចជាមានអត្រាកើនឡើងវិញបន្តិច ក្នុងអំឡុងមួយរយៈពេលមួយសប្តាហ៍ចុងក្រោយនេះ ។ ប្រធានមន្ទីរទេសចរណ៍ខេត្ត…
ខេត្តក្រចេះ ៖ មន្ត្រីមន្ទីរទេសចរណ៍ខេត្តក្រចេះបានថ្លែងប្រាប់ឲ្យដឹងថា ស្ថានភាពជំងឺកូវីដ-១៩ បាននិងកំពុងតែស្ថិតក្នុងសភាពធូរស្រាលវិញទៅហើយនោះ ស្ថានភាពអ្នកធ្វើដំណើរនិងអ្នកទេសចរក៏ធ្វើដំណើរទៅលេងកំសាន្តនៅតាមតំបន់ទេសចរណ៍នានាក្នុងខេត្តក្រចេះ ហាក់ដូចជាមានអត្រាកើនឡើងវិញបន្តិច ក្នុងអំឡុងមួយរយៈពេលមួយសប្តាហ៍ចុងក្រោយនេះ ។
ប្រធានមន្ទីរទេសចរណ៍ខេត្ត លោក ជួប រតនា បានថ្លែងប្រាប់ឲ្យដឹង នៅថ្ងៃទី២៩ មេសា នេះថា ស្ថានភាពភ្ញៀវទេសចរទាំងនៅក្នុងខេត្តនិងនៅក្រៅខេត្ត បានមកលេងកំសាន្តនៅតាមតំបន់រមនីយដ្ឋានទេសចរណ៍នានាក្នុងខេត្ត ក្នុងអត្រាកើនឡើងវិញបន្តិច ចាប់ពីក្រោយថ្ងៃបុណ្យចូលឆ្នាំរហូតមកទល់ពេលនេះ ។
តំបន់ទេសចរណ៍ក្នុងខេត្តក្រចេះ ដែលកំពុងតែតាមការទាក់ទាញភ្ញៀវឲ្យទៅលេងកំសាន្តនោះ ភាគច្រើន ផ្តោតសំខាន់លើតំបន់អន្លង់ផ្សោត តំបន់ទឹកជួរទន្លេមេគង្គកាំពី និងតំបន់ទេសចរណ៍ ប្រវត្តសាស្ត្រវត្តសសរ១០០ ដែលតំបន់ទេសចរណ៍ទាំងបីខាងលើនេះ គឺស្ថិតនៅលើផ្លូវតែមួយ មានទីតាំងប្រ៉ប និងដងទន្លេមេគង្គខេត្តក្រចេះ។
លោកជួប រតនា បានបញ្ជាក់ថា បើទោះបីជាអត្រាភ្ញៀវ ហាក់មានសន្ទុះបន្តិច ក្រោយពីស្ងប់ស្ងាត់ អស់មួយរយៈពេលយ៉ាងណាក្តី តែដើម្បីបង្ការទប់ស្កាត់ប្រឆាំង និងជំងឺឆ្លងជាសកលមួយនេះ អាជ្ញាធរ ពិសេសមន្ត្រីទេសចរណ៍ ដែលនៅប្រចាំការតាមតំបន់ ទេសចរណ៍គោលដៅ គឺនៅតែបន្តជម្រុញឱ្យភ្ញៀវប្រើម៉ាស់ លាងដៃ និងអាល់កុល ព្រមទាំងការនៅគម្លាតពីគ្នានៅរាល់ការជួបជុំ ។
តាមរបាយការណ៍របស់មន្ទីរទេសចរណ៍ខេត្តក្រចេះ បានឲ្យដឹងថា ចំនួនភ្ញៀវចូលមកទស្សនា លេងកម្សាន្តនៅក្នុងខេត្តនេះ គិតចាប់ពីថ្ងៃទី១ មេសា មកដល់ចុងខែមេសា គឺមានចំនួនត្រឹមតែ៤ពាន់នាក់តែប៉ុណ្ណោះ
ខណៈចំនួននេះ បើប្រៀបធៀបនឹងឆ្នាំទៅដែលមានចំនួនរហូតដល់១៤ម៉ឺននាក់ គឺឃើញថា មានគម្លាតគ្នាយ៉ាងច្រើន ។
ចែករំលែកព័តមាននេះ