ខេត្តព្រះសីហនុ ៖ លោក គួច ចំរើន បានសរសេរលើបណ្តាញសង្គម កាលពីព្រឹកថ្ងៃទី២៩ ខែមមេសា ឆ្នាំ២០២០ថា«សូមឱ្យម្ចាស់ទូក ដែលបង្កការខូចខាតនូវពោងសុវត្ថិភាព នៅឆ្នេរអូឈើទាល កាលពីយប់មិញនេះ ចូលខ្លួនមកដោះស្រាយ ទូទាត់សំណង រៀបចំ ការជួសជុលឡើងវិញ ផុតវេលាថ្ងៃនេះ ថ្ងៃទី៣០ ខែមេសា ឆ្នាំ២០២០ វេលាម៉ោង ១៧:៣០នាទី រដ្ឋបាលខេត្តនឹងចាត់វិធានការស្រាវជ្រាវ ហើយនឹងយកមកធ្វើការផ្តន្ទាទោសពីបទបំផ្លិចបំផ្លាញទ្រព្យសម្បត្តិសាធារណៈ តាមច្បាប់ដោយគ្មានការលើកលែង ។» នេះបើយោងតាមផេកហ្វេសប៊ុក លោក គួចចំរើន ។
បញ្ជាក់ ៖ (ថវិការៀបចំពោងសុវត្ថិភាព រដ្ឋបាលខេត្ត ខិតខំសន្សែសន្សំថវិកាពីភ្ញៀវទេសចរណ៍ជិះទូកកំសាន្ត) ។ ដោយកន្លងមក លោកបានរៀបចំគ្រប់វិធី ធ្វើយ៉ាងណាឲ្យខេត្តព្រះសីហនុ កាន់តែទាក់ទាញភ្លៀងទេសចរ និងស្រស់ស្អាតបន្ថែមទៀត ៕
ចែករំលែកព័តមាននេះ