សុំសរសើរ ! មហាសេដ្ឋីម្នាក់កំពុងសាងសង់នាវាធំជាងគេលើលោកដើម្បីសង្គ្រោះសមុទ្រ
លោក ខេជែល អីញ រ៉ុក (Kjell Inge Rokke) បានកសាងទ្រព្យសម្បត្តិពីការបូមប្រេង និងនេសាទត្រីពីសមុទ្ររហូតមានទ្រព្យសរុបស្មើ ១.៧ប៊ីលានដុល្លារ…
លោក ខេជែល អីញ រ៉ុក (Kjell Inge Rokke) បានកសាងទ្រព្យសម្បត្តិពីការបូមប្រេង និងនេសាទត្រីពីសមុទ្ររហូតមានទ្រព្យសរុបស្មើ ១.៧ប៊ីលានដុល្លារ ។ បច្ចុប្បន្ននេះលោកបាននិយាយថាលោកចង់សម្អាតសមុទ្រវិញនៅសមុទ្រអាត្លង់ទិចខាងជើង ។
នាវា Rev ដែលគ្រាន់តែមានរូបរាងក្នុងប្លង់សម្រាប់សាងសង់នេះរួមមាននាវាមុជទឹក ចំណតឧទ្ធម្ភាគចក្រ ហាងហែលទឹកបី និងអាងត្រាំទឹកក្តៅទៀតផង ។ ប៉ុន្តែវាមិនមែនជានាវាកម្សាន្តរបស់អ្នកមានស្តុកស្តម្ភធម្មតាទេ ។ ក្រៅពីនេះហើយនាវាខាងលើរួមមានបន្ទប់ពិសោធន៍ចំនួន ៨ និងរថយន្តបញ្ជាដែលអាចបើកបរក្រោមទឹកបានថែមទៀត ។
យ៉ាងណាក្តី វាជានាវាដែលធំជាងគេលើលោកដែលអាចនឹងមានតម្លៃស្មើប្រមាណ ៣៥០លានដុល្លារសម្រាប់ការសាងសង់ ។
យោងតាមផែនការរបស់មហាសេដ្ឋីដែលមានអាយុ ៦១ឆ្នាំខាងលើបានឲ្យដឹងថា លោកនឹងអនុញ្ញាតឲ្យអ្នកវិទ្យាសាស្ត្រប្រើនាវារបស់លោកដោយមិនគិតថ្លៃដើម្បីគូចំណាំបណ្តុំសម្រាមលើផ្ទៃសមុទ្រ វិភាគចំនួនត្រី និងធ្វើតេស្តកម្រិតជាតិអាស៊ីតរបស់ទឹកសមុទ្រផងដែរ ។ ក្រៅពីនោះ លោកនឹងប្រើនាវានេះសម្រាប់កម្សាន្ត ឬជួលវាឲ្យទៅអ្នកមានដទៃទៀត និងព្រមទាំងបរិច្ចាគថ្លៃជួលដែលរកបានឲ្យទៅគម្រោងអភិរក្សសមុទ្រ ។
គ្រាន់តែស្តាប់ពីផែនការរបស់លោកហើយក៏អាចដឹងដែរថាលោក រ៉ុក មិនមែនជាមហាសេដ្ឋីធម្មតាម្នាក់ទេ ។ លោកកសាងទ្រព្យសម្បត្តិ ១.៧ប៊ីលានដុល្លាររបស់លោកបានពីការបូមធនធានពីសមុទ្រ ហើយលោកបានទទួលស្គាល់ថាលោកចូលរួមចំណែកក្នុងការបង្កបញ្ហាដល់សមុទ្រដែរ ។ ប៉ុន្តែពេលនេះលោកចង់សង្គ្រាះសមុទ្រវិញទោះជាវាមិនទាន់គ្រប់គ្រាន់បើធៀបនឹងការបំពុលសមុទ្រដោយក្រុមហ៊ុនរបស់លោកក៏ដោយ ។
លោក រ៉ុក ធំធាត់ឡើងក្នុងគ្រួសារធម្មតាទេដោយមានឪពុកជាអ្នកធ្វើទូរ និងម្តាយធ្វើការផ្នែកគណនេយ្យខណៈដែលរកស៊ីលក់ម៉ាស៊ីនបោកសម្លៀកបំពាក់ផងដែរ ។ លោក រ៉ុក បានចាកចេញពីសាលារៀននៅថ្នាក់ទី ៩ រួចទៅធ្វើការជាជំនួយការនៅកំពង់ផែដែលតម្រូវឲ្យលោកចេញទៅសមុទ្រយ៉ាងហោចណាស់ក៏ ១០ខែក្នុងមួយឆ្នាំដែរ ។
បន្ទាប់ពីលោកចាកចេញទៅកាន់សហរដ្ឋអាមេរិកនៅអាយុ ២១ឆ្នាំ លោកក៏ចាប់ផ្តើមមានក្តីសុបិនចង់ក្លាយជាមនុស្សឯករាជ្យដោយធ្វើជាអ្នកមាន ប៉ុន្តែលោកបានឆ្លងផុតនូវឧបសគ្គជាច្រើនមុននឹងមានថ្ងៃនេះ ៕
ចែករំលែកព័តមាននេះ