ការបញ្ជាយានជំនិះគ្រប់ប្រភេទឱ្យមានសុវត្ថិភាព១០០% ក្នុងការធ្វើដំណើរពុំមែនសុទ្ធតែមានភាពងាយស្រួលដូចការស្មានរបស់លោកអ្នកនោះទ្បើយ កាលបើអ្នកបើកបរមិនបានឈ្វេងយល់ឱ្យស៊ីជម្រៅពីគោលការណ៍គ្រឹះ ដែលញ៉ាំងឱ្យសម្រេចបាននូវសេចក្តីសុខសុវត្ថិភាពនោះ ។ ខាងក្រោមនេះ គឺជាវិធីសាស្ត្រ៧ចំណុចគួរអនុវត្ត ដើម្បីក្លាយជាអ្នកបើកបរប្រកបដោយសុវត្ថិភាព៖
ការបញ្ជាយានជំនិះគ្រប់ប្រភេទឱ្យមានសុវត្ថិភាព១០០% ក្នុងការធ្វើដំណើរពុំមែនសុទ្ធតែមានភាពងាយស្រួលដូចការស្មានរបស់លោកអ្នកនោះទ្បើយ កាលបើអ្នកបើកបរមិនបានឈ្វេងយល់ឱ្យស៊ីជម្រៅពីគោលការណ៍គ្រឹះ ដែលញ៉ាំងឱ្យសម្រេចបាននូវសេចក្តីសុខសុវត្ថិភាពនោះ ។ ខាងក្រោមនេះ គឺជាវិធីសាស្ត្រ៧ចំណុចគួរអនុវត្ត ដើម្បីក្លាយជាអ្នកបើកបរប្រកបដោយសុវត្ថិភាព៖
១-កុំបើកបរទាំងស្រវឹងៈ ប្រសិនបើអ្នកមានគម្រោងទទួលទានគ្រឿងស្រវឹង ចូរស្វែងរកមនុស្សណាម្នាក់ដែលអាចបើករថយន្តបានជំនួសអ្នកឱ្យរួមដំណើរជាមួយ ហើយដើម្បីឱ្យកាន់តែច្បាស់គឺម្នាក់នោះមិនចូលរួមពិសាស្រាជាមួយអ្នក ឬក៏មិនចេះតែម្តង ។
២-កុំបើកលឿនហួសកំណត់ៈ ការបើកបរក្នុងល្បឿនលឿនគឺស្ថិតក្នុងចំណោមហេតុផលមួយនៃការបង្កើនគ្រោះថ្នាក់ចរាចរណ៍នៅគ្រប់រូបភាព ។ អត្រាល្បឿនរថយន្តកាន់តែលឿនហានិភ័យដែលអ្នកទទួលបានក៏ច្រើនទៅតាមនោះដែរ ។ ការបើកលឿនថ្វីដ្បិតតែធ្វើឱ្យអារម្មណ៍អ្នកស្រស់ស្រាយក៏ពិតមែន ប៉ុន្តែគឺវាមានគ្រោះថ្នាក់បំផុតសម្រាប់អ្នកនិងអ្នកបើកបរយានដទៃទៀត ។
៣-ចៀសវាងមានការរំខានផ្សេងៗៈ ខណៈពេលបើកបរ ការបញ្ចៀសរាល់ការរំខានផ្សេងៗក្នុងពេលកំពុងបញ្ជាដៃចង្កូតរថយន្ត ដែលនាំឱ្យស្មារតីប្រុងប្រយ័ត្នខ្ពស់របស់អ្នកចុះខ្សោយនោះ អាចសង្គ្រោះអ្នកបើកបររថយន្តដទៃពីគ្រោះថ្នាក់និងមហន្តរាយនានាបាន ។ សូមចងចាំនូវគោលការណ៍ ភ្នែកសម្លឹងផ្លូវ ដៃផ្តោតលើចង្កូត ។
៤-ចូរពាក់ខ្សែក្រវាត់សុវត្ថិភាពឱ្យបានត្រឹមត្រូវៈ ខ្សែក្រវាត់សុវត្ថិភាពវាអាចសង្គ្រោះលោកអ្នកនៅក្នុងចលនាបោកទង្គិចកម្រិតអតិបរមាពីការបុកទង្គិចផ្សេងៗ ។ ដូច្នេះចូរពាក់ខ្សែក្រវាត់ឱ្យបានត្រឹមត្រូវជានិច្ចមុននឹងចេញដំណើរ ។
៥-កុំបើកពីក្រោយរថយន្តដទៃប្រកៀកប្រកិតពេកៈ គឺរក្សាគម្លាតសុវត្ថិភាពរវាងរថយន្តអ្នកនិងរថយន្តនៅខាងមុខ ។
៦-រក្សាការថែទាំរថយន្តឱ្យមានសុវត្ថិភាព ដែលស្ថិតក្នុងមូលដ្ឋានគ្រឹះនៃការថែទាំរថយន្ត (ពិនិត្យប្រេងឥន្ធនៈសម្បកកង់, សម្ពាធខ្យល់, ប្រេងម៉ាស៊ីន, តម្រងខ្យល់, ប្រព័ន្ធហ្វ្រាំង, ភ្លើងបំភ្លឺផ្លូវ, ស៊ីផ្លេ…) ។ ការអនុវត្តគោលការណ៍នេះ អាចជួយអ្នកឱ្យសន្សំសំចៃថវិកា និងអាយុកាលប្រើប្រាស់របស់រថយន្ត ។ និយាយឱ្យខ្លី គឺរក្សាភាពមាំមួន និងប្រក្រតីភាពរបស់រថយន្តជានិច្ច ទើបការបើកបរប្រព្រឹត្តទៅប្រកបដោយផាសុកភាព ។
៧-ដើម្បីប្រែក្លាយជាអ្នកបើកបរដែលមានសុវត្ថិភាពនិងប្រសើរបំផុត ចូររក្សាក្រសែភ្នែកសម្លឹងចេញក្រៅផ្តោតលើរថយន្តដទៃ ។ កុំព្យាយាមស្មានទុកជាមុនថា អ្នកបើកបររថយន្តដទៃបានដឹងពីអ្វីដែលអ្នកនឹងធ្វើឱ្យសោះ គឺត្រូវរំពឹងទុកពីលទ្ធផលអាក្រក់ជានិច្ច ទើបជាការប្រសើរ ៕
ចែករំលែកព័តមាននេះ