រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ឪពុកម្នាក់ត្រូវសមត្ថកិច្ចចុះទៅឃាត់ខ្លួនដល់បន្ទប់ជួល បន្ទាប់ពីបំពានសេពសន្ថវៈលើកូនស្រីបង្កើតទាំង២នាក់ ជាបន្តបន្ទាប់ ក្រោយមកកូនប្អូនទ្រាំមិនបានក៏រត់ពីខេត្តមកនៅភ្នំពេញ តែត្រូវឪពុកតាមគំរាមចង់បំពានទៀត នាងក៏រត់ទៅរកម្តាយ លុះម្តាយឃើញកូនដើរយំតាមផ្លូវក៏សួរដេញដោយ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ឪពុកម្នាក់ត្រូវសមត្ថកិច្ចចុះទៅឃាត់ខ្លួនដល់បន្ទប់ជួល បន្ទាប់ពីបំពានសេពសន្ថវៈលើកូនស្រីបង្កើតទាំង២នាក់ ជាបន្តបន្ទាប់ ក្រោយមកកូនប្អូនទ្រាំមិនបានក៏រត់ពីខេត្តមកនៅភ្នំពេញ តែត្រូវឪពុកតាមគំរាមចង់បំពានទៀត នាងក៏រត់ទៅរកម្តាយ លុះម្តាយឃើញកូនដើរយំតាមផ្លូវក៏សួរដេញដោយ ទើបបែកធ្លាយសម្រេចចិត្តប្រាប់ម្តាយ រួចប្តឹងសមត្ថកិច្ចឱ្យឃាត់ខ្លួនឪពុករូបនោះតែម្តង បង្កឲ្យមានការភ្ញាក់ផ្អើលកាលពីម៉ោង៨និង៣០នាទីយប់ ថ្ងៃទី២៥ ខែមេសា ឆ្នាំ២០២០ នៅចំណុចបន្ទប់ជួលភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនសង្ស័យជាឪពុកខាងលើមានឈ្មោះ រឿង ផុស អាយុ៤៥ឆ្នាំ មុខរបរមិនប្រាកដ មានស្រុកកំណើតនៅឃុំត្រពាំងក្រញូង ស្រុកត្រាំងកក់ ខេត្តតាកែវ ។ ចំណែកជរងគ្រោះជាកូនស្រីបង្កើតម្នាក់មានអាយុ២០ឆ្នាំ និងម្នាក់ទៀតអាយុ១៧ឆ្នាំ។
បើតាមប្រភពពីជនរងគ្រោះជាកូនប្អូនបានប្រាប់ឱ្យដឹងថា រយៈពេល១ឆ្នាំចុងក្រោយនេះ ពេលខ្លួនទៅធ្វើការឱ្យគេនៅត្រែងត្រយឹង ខេត្តកំពង់ស្ពឺនោះ ក៏ត្រូវឪពុកនាងចាប់បំពានសេពសន្ថវៈមកលើរូបនាងជាបន្តបន្ទាប់ចំនួន២ដងមកហើយ និងបានចាប់បំពានសេពសន្ថវៈនាងពេលដែលទៅធ្វើចំការនៅស្រុកកំណើតចំនួន២ដងទៀត ក្រោយពីចាប់បំពានសេពសន្ថវៈមកលើរូបនាងរួច ឪពុករូបនេះតែងតែគំរាមថា «បើប្រាប់គេនឹងសម្លាប់ចោល» ទើបរូបនាងគេចមកធ្វើការនៅភ្នំពេញជាមួយម្តាយ តែស្នាក់នៅផ្ទះជួលផ្សេងពីម្តាយ ។
ប្រភពដដែលបន្តថា លុះថ្ងៃទី៨ ខែមេសា ឆ្នាំ២០២០ ឪពុកនាងបានរកនាងដល់ផ្ទះជួល និងបានស្នាក់នៅបណ្តោះអាសន្នជាមួយនាង ខណៈពេលដែលស្នាក់នៅបន្ទប់ជួលនោះ ឪពុកនាងបានប៉ុនប៉ងចាប់នាងបំពានសេពសន្ថវៈទៀត តែនាងបានព្យាយាមគេចចេញ និងបានរត់ទៅជួបម្តាយ រួចក៏និយាយដើមទងប្រាប់គាត់ ទើបម្តាយនាងនាំទៅប្តឹងសមត្ថកិច្ចឱ្យចុះចាប់ឃាត់ខ្លួនឪពុករូបនោះតែម្តង ។
ពាក់ព័ន្ធនឹងករណីឃាត់ខ្លួនឪពុកបំពានកូនស្រីប្អូនបានហើយ ទើបបែកធ្លាយរឿងជនរង គ្រោះជាបងស្រីដែលត្រូវឪពុកបាននាំទៅធ្វើការនៅប្រទេសថៃកាលពីឆ្នាំ២០១៩ ក៏ត្រូវឪពុករូបនោះចាប់បំពានសេពសន្ថវៈនៅទីនោះជាច្រើនដងមកហើយដែរ តែមិនសូវហ៊ាននិយាយទេ ដោយសារតែខ្លាចការគំរាមកំហែងរបស់ឪពុក ។
គួររំលឹកថា ជនសង្ស័យដែលចាប់រំលោភកូនខ្លួនឯងដល់ទៅ២នាក់ខាងលើនេះ ត្រូវបានប្រពន្ធបានចុះចោលជិត២ឆ្នាំមកហើយ ដោយសារតែទ្រាំទ្រនឹងទង្វើប្តីខាងលើ ដែលតែងតែធ្វើបាបប្រពន្ធ ក្រោយមកប្រពន្ធក៏បានមកធ្វើការជាកម្មការិនីរោងចក្រនៅភ្នំពេញតែម្តង។
បើតាមសម្តីស្ត្រីជាប្រពន្ធបានឲ្យដឹងថា ករណីដែលប្តីរបស់គាត់ចាប់បំពានសេពសន្ថវៈកូនស្រីទាំង២នាក់ខាងលើ គាត់មិនដែលដឹងឡើយ ទើបយប់ថ្ងៃទី២៥ ខែមេសា ឆ្នាំ២០២០ ក្រោយពីគាត់ជួបកូនស្រីតាមផ្លូវ ហើយឃើញកូនយំក៏ដេញដោលសួរ ទើបធ្លាយរឿងឪពុកបង្កើតចាប់បំពានសេពសន្ថវៈលើកូនស្រីបែបនេះ ទើបធ្វើឲ្យរូបគាត់ឈឺចិត្តពេក ក៏ប្តឹងសមត្ថកិច្ចឱ្យចុះឃាត់ខ្លួនតែម្តង ។
បន្ទាប់ពីឃាត់ខ្លួនឪពុកខាងលើ ដែលសូម្បីតែកូនខ្លួនបង្កើតក៏មិនលើកលែងដែរនោះបាន
ហើយ សមត្ថកិច្ចក៏សួរនាំដឹងថា រឿងហេតុកើតឡើងនៅស្រុកកំណើត ក៏បានកសាងសំណុំ
រឿងបញ្ជូនទៅខេត្តតាកែវវិញ ដើម្បីកសាងសំណុំរឿងចាត់ការតាមច្បាប់ ៕ (កែសម្រួលដោយ ៖ បុប្ផា)
ចែករំលែកព័តមាននេះ