មណ្ឌលចំនួន៤ទទួលបានឧបករណ៍បា.ញ់សម្លា.ប់មេរោគកូវីដ១៩ពីអភិបាលរាជធានី
- ភ្នំពេញ
រាជធានីភ្នំពេញ ៖ កាលពីរសៀលថ្ងៃទី២២ ខែមេសា នេះ លោក ស្រី មុំ ចាន់ដានី ប្រធានមន្ទីរសង្គមកិច្ច…
រាជធានីភ្នំពេញ ៖ កាលពីរសៀលថ្ងៃទី២២ ខែមេសា នេះ លោក ស្រី មុំ ចាន់ដានី ប្រធានមន្ទីរសង្គមកិច្ច…
រាជធានីភ្នំពេញ ៖ កាលពីរសៀលថ្ងៃទី២២ ខែមេសា នេះ លោក ស្រី មុំ ចាន់ដានី ប្រធានមន្ទីរសង្គមកិច្ច រាជធានីភ្នំពេញ បាននាំយកអំណោយរបស់លោក ឃួង ស្រេង អភិបាលរាជធានីភ្នំពេញ ជាឧបករណ៍បាញ់សម្លាប់មេរោគកូវីដ១៩ ចំនួន៤ឈុត ដើម្បីផ្តល់ជូនដល់វិទ្យាស្ថានជាតិ អប់រំពិសេស (មណ្ឌលគរថ្លង់ គ្រួសារថ្មី) មួយឈុត, អគារផ្កាម្លិះ ចិត្តសាស្ត្រសង្គម មួយឈុត, តន្ត្រីជនពិការ ចាប តូ មួយឈុត និងមជ្ឈមណ្ឌលឱកាសខ្ញុំ មួយឈុត។
លោកស្រីមុំ ចាន់ដានី បាននាំនូវប្រសាសន៍ផ្តាំផ្ញេីពីលោក ឃួង ស្រេង នូវការនឹករលឹកក្នុងពេលដែលលោកមានភាពមមាញឹកខ្លាំងក្នុងការងារបំរើប្រជាជនក្នុងរាជធានីភ្នំពេញ នឹងបានផ្ដាំផ្ញើជូនទៅមណ្ឌលថែទាំ កុមារ និងជនងាយរងគ្រោះទាំងអស់ សូមបន្តការចូលរួមទប់ស្កាត់ជំងឺកូវីដ១៩ តាមរយៈការណែនាំរបស់ក្រសួងសុខាភិបាល ធ្វេីយ៉ាណាសូមបងប្អូនកូនក្មួយទាំងអស់ត្រូវធ្វើអនាម័យជាប្រចាំដោយលាងដៃជាមួយនឹងសាប៊ូ ឬអាល់កុល និងសំអាតទីកន្លែងរស់នៅអោយបានស្អាតជាប្រចាំ ។
បន្ទាប់មកតំណាងមណ្ឌលទាំង៤ខាងលើនោះបានថ្លែងអំណរគុណយ៉ាងជ្រាលជ្រៅបំផុត និងដឹងគុណដល់សម្ដេចតេជោនាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ដែលសម្តេចបានដាក់ចេញនូវវិធានការបង្ការទប់ស្កាត់ជំងឺកូវីដ១៩នេះ ដើម្បីស្រោចស្រង់អាយុជីវិតប្រជាពលរដ្ឋទាំងអស់គ្នា និងសូមថ្លែងអំណរគុណដល់លោក ឃួង ស្រេង អភិបាលរាជធានីភ្នំពេញ និងថ្នាក់ដឹកនាំគ្រប់លំដាប់ថ្នាក់ បានយកចិត្តទុកដាក់ខ្ពស់ទៅដល់ជនរងគ្រោះ និងជនងាយរងគ្រោះ ព្រមទាំង បងប្អូនប្រជាពលរដ្ឋទូទាំងប្រទេស ៕ (កែសម្រួលដោយ ៖ ធីតា)
ចែករំលែកព័តមាននេះ