ប្រទេសអាល្លឺម៉ង់ ៖ ប្រទេសអាល្លឺម៉ង់ កាលពីថ្ងៃទី២២ ខែមេសា ឆ្នាំ២០២០ បានផ្ដល់ភ្លើងខៀវឲ្យធ្វើការសាកល្បងគ្លីនិកលើមនុស្ស នូវវាំក់សាំងពិសោធន៍មួយប្រឆាំងវីរុស COVID-19 ដែលផលិតដោយក្រុមហ៊ុនអាល្លឺម៉ង…
ប្រទេសអាល្លឺម៉ង់ ៖ ប្រទេសអាល្លឺម៉ង់ កាលពីថ្ងៃទី២២ ខែមេសា ឆ្នាំ២០២០ បានផ្ដល់ភ្លើងខៀវឲ្យធ្វើការសាកល្បងគ្លីនិកលើមនុស្ស នូវវាំក់សាំងពិសោធន៍មួយប្រឆាំងវីរុស COVID-19 ដែលផលិតដោយក្រុមហ៊ុនអាល្លឺម៉ង BIONTECH។
ការសាកល្បងនោះដែលនឹងជាលើកទី៤ លើពិភពលោក ចាប់តាំងពីលេចវីរុសនោះពីខែធ្នូមកនៅចិន នឹងធ្វើក្នុងដំណាក់កាលទី១លើមនុស្សដែលមានសុខភាពល្អ២០០នាក់ បន្ទាប់មកពង្រីកដល់បណ្ដាអ្នកជំងឺដែលងាយប្រឈមមុខនឹងវីរុស COVID-19 ។ នេះជាការអះអាងកាលពីថ្ងៃទី២២ ខែមេសា របស់វិទ្យាស្ថាន PAUL EHRLICH ជាអាជ្ញាធរទទួលបន្ទុកខាងវ៉ាក់សាំងនៅអាល្លឺម៉ង់។
BIONTECH បានចុះហត្ថលេខាកាលពីខែមុន លើកិច្ចព្រមព្រៀងមួយជាមួយក្រុមហ៊ុនយក្សអាមេរិក PFIZER ដើម្បីផលិតរួមគ្នានូវវាំងសាំងមួយប្រឆាំងវីរុស COVID-19 ក្នុងក្របខណ្ឌនៃកម្មវិធីមួយមានឈ្មោះថា BNT162។
ការចាក់សាកល្បងលើមនុស្សក៏គ្រោងដែរនៅសហរដ្ឋអាមេរិក ដរាបណាក្រុមហ៊ុនទាំង២ទទួលបានការយល់ព្រម របស់អាជ្ជាធរទាក់ទិន។ ក្រុមហ៊ុនBIONTECHអាល្លឺម៉ង់ក៏ចុះហត្ថលេខាដែរ លើកិច្ចព្រមព្រៀងសហប្រតិបត្តិការមួយជាមួយមន្ទីរពិសោធន៍ចិន SHANGHAI FOSUN PHARMACEUTICAL។
ក្រុបហ៊ុនBIONTECHកំពុងប្រកួតប្រជែងជាមួយក្រុមហ៊ុនអាល្លឹម៉ង់CUREVAC និងក្រុមហ៊ុន BIOTECH អាមេរិក MODERNA សម្រាប់ផលិតវ៉ាក់សាំងមួយ ដែលផ្អែកលើការប្រើប្រាស់អាស៊ីត RIBONUCLEIQUE MESSAGER(ARN MESSAGER)។
ម៉ូឡេគុលនោះមានមុខងារជាស្ពានសម្រាប់ជួយឲ្យកោសិកា ផលិតប្រូតេអ៊ីនអង់ទីហ្សេនិកដែលអាច ឲ្យប្រព័ន្ធស៊ាំពង្រីកកិច្ចការពារប្រឆាំងការឆ្លងនៃវីរុស៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ