សមាគមបាល់ទាត់ហូឡង់ចង់រំសាយលីគ Eredivisie ដោយសារវិបត្តិកូវីដ១៩
សមាគមបាល់ទាត់ប្រទេសហូឡង់ KNVB មានចេតនាមិនបន្តរដូវកាល Eredivisie បន្ទាប់ពីរដ្ឋាភិបាល បានបន្ថែមការហាមឃាត់លើព្រឹត្តិការណ៍ធំៗ រហូតដល់ថ្ងៃទី ១ ខែ កញ្ញា…
សមាគមបាល់ទាត់ប្រទេសហូឡង់ KNVB មានចេតនាមិនបន្តរដូវកាល Eredivisie បន្ទាប់ពីរដ្ឋាភិបាល បានបន្ថែមការហាមឃាត់លើព្រឹត្តិការណ៍ធំៗ រហូតដល់ថ្ងៃទី ១ ខែ កញ្ញា…
សមាគមបាល់ទាត់ប្រទេសហូឡង់ KNVB មានចេតនាមិនបន្តរដូវកាល Eredivisie បន្ទាប់ពីរដ្ឋាភិបាល បានបន្ថែមការហាមឃាត់លើព្រឹត្តិការណ៍ធំៗ រហូតដល់ថ្ងៃទី ១ ខែ កញ្ញា ដោយសារការរីករាលដាលនៃវីរុសកូវីដ១៩ ។
បច្ចុប្បន្នក្រុម Ajax និង AZ Alkmaar កំពុងតែនាំមុខលើកំពូលតារាងលីគមួយនេះ ក្រោយឆ្លងកាត់ ២៦ សប្តាហ៍មាន ៥៦ពិន្ទុស្មគ្នា ប៉ុន្តែ Ajax មានគ្រាប់ចំណេញច្រើនជាង ។
KNVB បានលើកឡើងក្នុងសេចក្តីថ្លែងការណ៍មួយថា ខ្លួនគ្មានចេតនាក្នុងការបន្តការប្រកួតប្រជែងរដូវកាល ២០១៩-២០២០បន្តទៀតទេ ប៉ុន្តែនឹងពិគ្រោះជាមួយ UEFA បន្ថែមទៀត មុនពេលធ្វើការសម្រេចចិត្តចុងក្រោយ ។
សេចក្តីថ្លែងការណ៍របស់ KNVB បានបន្តថា «ផ្អែកលើសេចក្តីសំរេចរបស់រដ្ឋាភិបាល KNVB នឹងពិគ្រោះយោបល់ជាមួយ UEFA បន្ទាប់មកការសម្រេចចិត្តនឹងត្រូវធ្វើឡើង» ។
ជាមួយគ្នានេះ ក្លិបក្នុងក្របខ័ណ្ឌ Eredivisie ទាំងអស់នឹងជួបប្រជុំគ្នានៅថ្ងៃសុក្រសប្តាហ៍នេះ ដើម្បីពិភាក្សាអំពីផលវិបាកនានាក្នុងពេលបច្ចុប្បន្ន ខណៈទីលានហ្វឹកហាត់នឹងត្រូវបើកឡើងវិញ «ក្រោមលក្ខខណ្ឌរឹតបន្តឹង» ដូច្នេះកីឡាករអាចធ្វើការហ្វឹកហាត់បាន ៕ (ដកស្រង់ចេញពី BBC)
ចែករំលែកព័តមាននេះ