រាជធានីភ្នំពេញ ៖ ស្ត្រីម្នាក់ត្រូវឃាត់ខ្លួនបន្ទាប់ពីរកឃើញថា នាងបានប្រឌិតរឿងភូតកុហក់គេឯងថា
ចោរប្លន់រហូតរងរបួសលើខ្លួន តែការពិតនោះ ជាសកម្មភាពនាងធ្វើដោយខ្លួនឯងសោះ ។ នេះបើយោងតាមផេកស្នងការរាជធានីភ្នំពេញ ថ្ងៃទី២២ មេសា នេះ ។
ប្រភពខាងលើបន្តទៀតថា ស្ត្រីជាជនសង្ស័យឈ្មោះមាន ណាវី អាយុ២១ឆ្នាំ ជាចុងភៅ ស្នាក់នៅភូមិថ្មគោលទី២ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ ចំណែកជនរងគ្រោះជាម្ចាស់ផ្ទះឈ្មោះ មេីម រ៉ូយ៉ាល់ ភេទប្រុស អាយុ២៤ឆ្នាំ ជាវិស្វករ ស្នាក់នៅភូមិ សង្កាត់ជាមួយគ្នា ។
គួរបញ្ជាក់ថា កាលពីថ្ងៃទី២១ មេសា វេលាម៉ោង០៤ និង២០នាទីរសៀល ស្ថិតនៅផ្ទះលេខ១៧ ផ្លូវបេតុង ភូមិថ្មគោលទី២ សង្កាត់ចោមចៅទី២ ខណ្ខពោធិ៍សែនជ័យ រាជធានីភ្នំពេញ មានស្ដ្រីប្រឌិតរឿងរូបនេះ ខណៈពេលម្ចាស់ផ្ទះមិននៅ ក៏បែកគំនិតយកកាំបិតចុងស្រួច និងឡាមមកចាក់អារជេីងខ្លួនឯង រួចរត់ទៅបំប៉ោងសភាពការណ៍ថា មានចោរប្លន់យកលុយអស់ចំនួន២៥០០$ ។
ភ្លាមៗ កម្លាំងនគរបាលនៃអធិការដ្ឋានខណ្ឌពោធិ៍សែនជ័យ បានចុះមកធ្វើការតាមដានស្រាវជ្រាវយ៉ាង
យកចិត្តទុកដាក់ទេីបដឹងថា ស្ត្រីសង្ស័យគឺជាអ្នកប្រឌិតរឿង ដេីម្បីយកលុយទៅជួយក្រុមគ្រួសារសោះ។បច្ចុប្បន្ន ស្ត្រីសង្ស័យកំពុងឃុំខ្លួនបណ្ដោះអាសន្ននៅអធិការខណ្ឌដេីម្បីកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់ ។
ចែករំលែកព័តមាននេះ